18 საათის წინ
დანაშაულისგან თავისუფალი უსაფრთხო ქვეყნების ინდექსით, საქართველო მსოფლიოში მეოთხე, ევროპის მასშტაბით კი, პირველ ადგილზეა
19 საათის წინ
საქართველო გერმანიას, საფრანგეთს, ლატვიას, ლიეტუვასა და ესტონეთს საზღვრებს გაუხსნის
2 დღის წინ
საერთაშორისო კონკურსში ქართულმა ღვინოებმა ოქროს და ვერცხლის მედლები დაიმსახურეს
2 დღის წინ
შს მინისტრის მოადგილე არ გამორიცხავს, რომ ექსპერტიზის დასრულების შემდეგ, გიორგი შაქარაშვილის საქმის კვალიფიკაცია შეიცვალოს და ბრალდება დამძიმდეს
3 დღის წინ
„ბიბისი“ – როგორ დაეხმარა „სამი მუშკეტერი“ საქართველოს ვირუსის წინააღმდეგ ბრძოლაში

მრგვალი მაგიდის ფორმატის შეხვედრაზე – “ხანგრძლივი მშვიდობისა და უსაფრთხოებისთვის-2008 წლის რუსეთ-საქართველოს ომიდან 10 წლის შემდეგ”, პრეზიდენტმა გიორგი მარგველაშვილმა სიტყვით გამოსვლისას განაცხადა, რომ საქართველო არასდროს განიხილავს ტერიტორიული მთლიანობის და სუვერენიტეტის აღდგენას ძალისმიერი მეთოდებით.

„2008 წლის ომი იყო განსაკუთრებით მძაფრი და მძიმე თუნდაც ადამიანური მსხვერპლის შედეგით. ამ ომს მოყვა გაუგონარი და უსამართლო მცდელობა იმისა, რომ მსოფლიოს გაეროს მიერ აღიარებული სახელმწიფოს ტერიტორიაზე ე.წ. დამოუკიდებელი სახელმწიფოები გამოაცხადოს.

მინდა მადლობა ვუთხრა საგარეო საქმეთა სამინისტროს, დიპლომატიურ კორპუსს და აგრეთვე ჩვენს კოლეგებს მთელი მსოფლიოს მასშტაბით, იმისთვის, რომ რუსეთის ფედერაციის ეს მცდელობა, რომ იმიჯური ომი მოიგოს, ჩაიშალა. ეს ჩვენი ერთობლივი ძალისხმევის შედეგია“, – განაცხადა მარგველაშვილმა.

პრეზიდენტის თქმით, პოლიტიკური დღის წესრიგის მთავარი ნიშნულები არის გარანტი იმისა, რომ საქართველოს ტერიტორიული მთლიანობა და სუვერენიტეტი აღდგება მშვიდობიანად.

” მეორე მნიშვნელოვანი დეტალია, რომ საქართველო არასდროს განიხილავს ტერიტორიული მთლიანობის და სუვერენიტეტის აღდგენას ძალისმიერი მეთოდებით. შეგვიძლია დავინახოთ, რომ ენის მოჩლექვით ლაპარაკმა არაფერი სასიკეთო არ მოუტანა იმ ქვეყნებს, ცდილობდა იმ განცდის მიღწევას, რომ ეს შესაძლებელია ერთი ლუკმით ან ორი ლუკმით დამთავრდეს. აგრესორის მადა მხოლოდ იმატებს დაპყრობის და აგრესიის კვალდალკვალ“, – განაცხადა გიორგი მარგველაშვილმა.

 

Please follow and like us: