21 საუკუნეში ვრწმუნდებით, რომ ადამიანის გონებრივ შესაძლებლობებს მართლაც არ აქვს საზღვრები. ბრენდი, რომელზეც ახლა უნდა გესაუბროთ, ნამდვილად არის იმის ნათელი მაგალითი, რომ ფანტაზია მრავალფეროვანია. დღეს, როდესაც ირგვლივ თითქმის ყველაფერი არაეკოლოგიურია, ქართულ ბაზარზე ვაწყდებით ბრენდს, რომელიც არის – ნატურალური, ასევე მრავალფეროვანი, ხელით ნაკეთი და მორგებული ყველანაირ გემოვნების ადამიანზე. „თბილისი თაიმსს“ ბრენდის შექმნისა და სამომავლო გეგმების შესახებ, N.B (NIKOLO BREGA)-ის დამფუძნებელი – ნიკოლოზ ბრეგაძე ესაუბრა.
უპირველესად რომ მოგვიყვეთ თქვენ შესახებ, როგორ დაიწყეთ ეს საქმიანობა და საიდან გაჩნდა იდეა ბიზნესის შექმნის?
– 2016 წლის ნოემბერში დავიწყე სათვალეების გაკეთება: პირველად გავაკეთე ჩემთვის, (მიყვარს გამორჩეული ნივთები და ვიფიქრე, რომ მხოლოდ მე მექნებოდა ესეთი) რომ მე მეტარებინა, თუმცა როდესაც მივედი უნივერსიტეტში, ჩემს ლექტორს ძლიან მოეწონა და მითხრა: მომყიდეო, აი სწორედ მაშინ გამიჩნდა იდეა, რომ დამეწყო გაყიდვა. შევიმუშავე ტექნოლოგია თუ, როგორ დამემზადებინა სათვალე, რომელიც დააკმაყოფილებდა ხარისხის სტანდარტებს. საკმაოდ დიდი დრო მოვანდომე ტექნოლოგიის შემუშავებას დაახლოვებთ 4-5 თვე.
მრავალი ასეთი ხელნაკეთი პროდუქციაა დღეს ბაზარზე, თქვენი ბრენდი რითი გამოირჩევა, რა ნიშა აქვა ბაზარზე?
– სათვალე არ არის მხოლოდ მზის სხივებისგან დამცავი, ჩემთვის სათვალე პირველ რიგში არის გამორჩეული აქსესუარი, რომელიც მეტყველებს შენს გემოვნებაზე. ამიტომ ვმუშაობ ხშირად ახალ-ახალ მოდელებზე და ვცდილობ იყოს ყველასგან გამორჩეული. ჩემს სათალეს რომ დაინახავთ არ დაგჭირდებათ ბრენდის წაკითხვა, მიხვდებით, რომ N.B-ია. უმნშვნელოვანესია ჩემთვის ხარისხი, ამტომ თითოეული სათვალე არის უმაღლესი ხარისხის. მუშავდება თითოეული დეტალი ხელით, აქვს ძალიან ხარისხიანი შუშა და თითოეულ სათვალეს აქვს გვერდზე ბრენდი N.B (NIKOLO BREGA) ვერცხლის ფირფიტაზე დაწერილი. ასევე იღებება ეკოლოგიურად სუფთა საღებავებით, მაქვს ბუნებრივი ფერებიც.
რამდენად მოთხოვნადია პროდუქცია ბაზარზე?
– თავიდანვე საკმაოდ მოთხოვნადი გახდა ჩემი სათველეები, მოსწონს ხალხს გამორჩეული და ხარისხიანი ნივთები ამიტომ ბაზარზე თავის დამკვიდრება არ გამიჭირდა, პირიქით გამიადვილდა, რამაც უფრო მეტი სტიმული მომცა. ამ ბოლო დროს ქართელმა მომხმარებელმა დააფასა ხელნაკეთ ნივთები, რაც მახარებს. საკმაოდ მოთხოვნადია, თუმცა მას შემეგ რაც Kylie Jenner-მა მოირგო და გადაიღო ფოტოები იმის შემდეგ უფრო პოპულარული გადხა, ფოტომ ერთ დღეში 4 მილიონზე მეტი მოწონება დაიმსახურა.
როგორია ფასები და სად შეიძლება პროდუქციის შეძენა?
– ამ ეტაპზე მაქვს მხოლოდ ონლაინ გაყიდვები, ფეისბუქ და ინსტაგრამ გვერდზე შეუძლიათ შეიძინონ მომხმარებლებმა სათვალეები, ასევე თბილისში მიდევს რამდენიმე მაღზიაში და იყიდება. 250 ლარია საშუალო ფასი, მაქვს უფრო მაღლ ფასიანები 300,320.500,1000 და ასე შემდეგ გააჩნია როგორია მომხმარებლის მოთხოვნა,ზოგს ოქროს ფირფიტით უნდა ზოგსაც ბრილიანტის თვლებით დდ.
როგორია თქვენი სამომავლო გეგმები?
მაქვს გეგმები, ვმუშაობ, რომ პროდიქცია გავიტანო ევროპაში და ვეძებ კარგ სანდო პარტნორებს, რომლებმაც იციან თავიანთი საქმე და მზად ვარ ვითანამშრომლო მათთან. ასევე არ ვაპირებ გაჩერებას და ყოველდღიუად ვმუშაობ, ვცდილობ სულ ახალ-ახალი სათალეები ვაკეთო, და მქონდეს მრავალფეროვნება. როგორც უკვე გითხარით, სათვალის ფორმას ჩემთს დიდი მნიშვნელობა აქვს, ამიტომ ვცდილობ შევქმნა გამორჩეული დიზაინის სათვალეები.
რა ურჩევთ სათვალის ყიდვისას მომხმარებელს, რას უნდა მიაქციონ ყურადღება როდესაც სასურველ აქსესუარს ყიდულობენ?
– რაც შეეხება რჩევას, პირველ რიგში მიაქციეთ ყურადღება რამდენად კომფორტულია სათალე, სიმსუბუქე ჩემთვის უმნშვნლოვანესია. ჩემი სათვალეები 18-22 გრამამდე იწონის, გააჩნია მოდელს, რაც უმსუბუქესია და ხდის კომფორტულს. ასევე უმნიშვნელოვანესია შუშის ხარისხი.
ასევე ვაკეთებ ხის საათებს როგორც მექანიკურს ასევე ელექტრო მექანიზმებით.
მარიამ ხუციშვილი
