საქართველოს მასშტაბით გახსნილ საარჩევნო უბნებზე ხმის მიცემა შეწყდა. საარჩევნო უბნები ზუსტად 20:00 საათზე დაიხურა.
არსებული ინფორმაციით, ცესკო არჩევნების წინასწარ შედეგებს რამდენიმე საათში გამოაქვეყნებს.
კენჭისყრის შენობებში ხმის მიცემის პროცედურა 08:00 საათზე დაიწყო. 2018 წლის არჩევნებში 3 518 877 ამომრჩეველი იყო რეგისტირებული. 17:00 საათის მონაცემებით, მათგან არჩევნებზე მოსახლეობის აქტივობა 38,16 %-ს შეადგენდა.
არჩევნები 3 703 საარჩევნო უბანზე მიმდინარეობდა, მათ შორის 55 საზღვარგარეთ, 11 კი გამონაკლის შემთხვევაში შექმნილი უბანი იყო.
საპრეზიდენტო არჩევნებში პრეზიდენტობის 25 კანდიდატი მონაწილეობდა.
