15-18 ნოემბერს, საბაჟო გამშვებ პუნქტებში ,,სადახლო-საავტომობილო“, ,,ვალე“, ,,წითელი ხიდი“ და ,,ქუთაისის აეროპორტი“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, გერმანიის, სომხეთის, აზერბაიჯანისა და ირანის ისლამური რესპუბლიკის მოქალაქეების, მ.ი.-ს, ბ.გ.-ს, ა.პ.-ს, ე.ა.-სა და ჰ.ა.-ს ფიზიკური და კუთვნილი ხელბარგების დათვალიერებისას, ნარკოტიკული (27 აბი) და ფსიქოტროპული (21 აბი) ნივთიერებების შემცველი მედიკამენტები და ნარკოტიკული საშუალება ჰეროინი (2 მლ.) აღმოაჩინეს.
საქმეთა მასალები, შემდგომი რეაგირების მიზნით, შინაგან საქმეთა სამინისტროს შესაბამის ერთეულებს გადაეცათ.
