ცენტრალური საარჩევნო კომისიის პირველადი წინასწარი მონაცემებით, „ქართული ოცნების“ მიერ მხარდაჭერილმა დამოუკიდებელმა საპრეზიდენტო კანდიდატმა სალომე ზურაბიშვილმა ამომრჩეველთა ხმების 57% მიიღო, რაც რაოდენობრივად არის 262 826 ხმა, – ამის შესახებ ცესკოში გამართულ ბრიფინგზე კომისის თავმჯდომარემ თამარ ჟვანიამ განაცხადა.
მისივე თქმით, პირველადი წინასწარი მონაცემებით, გაერთიანებული ოპოზიციის კანდიდატმა გრიგოლ ვაშაძემ 195 305 ხმა მიიღო, რაც საერთო ხმების 43%-ია. თამარ ჟვანიას ინფორმაციით, ამ დროისთვის სულ დათვლილია 1181 საარჩევნო უბანი.
