შინაგან საქმეთა მინისტრის მოადგილე ნათია მეზვრიშვილმა, ნაციონალური მოძრაობის მიერ დაანონსებული აქციის შესახებ, ჟურნალისტის კითხვას უპასუხა. ნათია მეზვრიშვილის განცხადებით, თუ აქცია კანონის ფარგლებში იქნება, მისი ჩატარება პრობლემას არ წარმოადგენს.
„კანონის ფარგლებში თუ იქნება ეს ყველაფერი, არანაირი პრობლემა არ არის. მნიშვნელობა არ აქვს, ვინ აწყობს ამ აქციას. მთელი 2018 წლის განმავლობაში, არაერთი დემონასტრაცია და აქცია იყო და პოლიციამ კარგად აჩვენა, რომ გამოხატვის თავისუფლება დაცულია. ისევე, როგორც გუშინ, კარგად დაინახა საზოგადოებამ, რომ ჩვენ პატივს ვცემთ გადაადგილების თავისუფლებას. თუ ადამიანები არ გასცდებიან, გადაადგილების თავისუფლებას არანაირი პრობლემა არ არის.“ – განაცხადა ნათია მეზვრიშვილმა.
