სარფის საბაჟოზე არადეკლარირებული ვერცხლის ნაკეთობები აღმოაჩინეს. შემოსავლების სამსახურის ინფორმაციით, საბაჟო გამშვები პუნქტის , “სარფის” ტერიტორიაზე თურქეთის მხრიდან შემოვიდა სატვირთო ავტომობილი, რომელსაც თურქეთის მოქალაქე ი. ა. მართავდა.
დათვალიერებისას, ავტომობილის სალონში აღმოჩენილ იქნა არადეკლარირებული ვერცხლის ნაკეთობები, საერთო წონით 37კგ. საქონლის საბაჟო ღირებულებამ შეადგინა 32635,21 ლარი.
აღნიშნული საქმე შემდგომი რეაგირებისათვის გადაეცა ფინანსთა სამინისტროს საგამოძიებო სამსახურს.
07.10.13
