გაეროს სპეციალისტებმა სირიაში ქიმიური იარაღის განადგურება დაიწყეს. სამუშაოების პირველ დღეს მუშაობა ჩაატარა დაახლოებით 20 კაციანმა სპეციალისტთა ჯგუფმა.
მათი მეთვალყურეობის ქვეშ სირიულმა პერსონალმა რაკეტის ქობინებისა და საჰაერო ბომბების აღჭურვილობები გაანადგურეს.
სპეციალისტები აკვირდებიან ასრულებს თუ არა სირია საერთაშორისო მოთხოვნებს, მიცემულ ინფორმაციებს ამოწმებენ და ანგარიშებს ამზადებენ. იმის შესახებ, თუ სად მიმდინარეობს განადგურების პროცესი და რამდენი მასალაა განადგურებული, დეტარული ინფორმაცია არ გავრცელებულა.
სამუშაოების დროს, რომელიც მომდევნო დღეებშიც გაგრძელდება, დაახლოებით ათასი ტონა ქიმიური იარაღის განადგურება იგეგმება.
სირიის ქიმიური იარაღის სრული არსენალის განადგურება მომდევნო წლის ივლისისთვის იგეგემება.
რუსეთი და აშშ, რომლებიც აღნიშნულ პროცესს ახლოდან აკვირდებიან, პირველი დღეს ჩატარებული სამუშაოებით კმაყოფილი არიან.
რუსეთის საგარეო საქმეთა მინისტრმა სერგეი ლავროვმა ინდონეზიაში ამერიკელ კოლეგა კერისთან შეხვედრაზე განაცხადა, რომ სამუშაო წინ სწრაფად და წარმატებით მიიწევს.
კერიმ კი დასძინა, რომ პროცესის ასე სწრაფად მიმდინარეობა გლობალური და მრავალმხრივი თანამშრომლობის დამსახურებაა და მოვლენების განვითარებას ყურადღებით დააკვირდებიან.
08.10.13
