პუბლიცისტი თაკო ჩარკვიანი თებერვლის ბოლომდე ახალ პარტიას სახელწოდებით „კანონი და სამართალი“ დააფუძნებს. ამის შესახებ ინფორმაციას “ინტერპრესნიუსი“ ავრცელებს. თაკო ჩარკვიანის თქმით, პარტიის პრეზენტაციის თარიღი და პროგრამა ზუსტდება. მისივე თქმით, პარტიის პირველი მიზანი იქნება კორუფციასთან ბრძოლა და შესაბამისად, ანტიკორუფციული გეგმის შემუშავება.
თაკო ჩარკვიანის ინფორმაციით, პარტია ორიენტირებული იქნება რეგიონულ განვითარებაზე. როგორც პუბლიცისტი აცხადებს, „კანონი და სამართალი“ მემარჯვენე-ცენტრისტული იდეოლოგიის გამტარებელი იქნება.
