ეკონომიკისა და მდგრადი განვითარების მინისტრის პირველმა მოადგილემ დიმიტრი ქუმსიშვილმა ერევანში BSEC-ის წევრი ქვეყნების ICT მაღალი დონის შეხვედრაში მიიღო მონაწილეობა.
ეკონომიკისა და მდგრადი განვითარების სამინისტროს ინფორმაციით, შეხვედრას ასევე ესწრებოდა სამინისტროს კავშირგაბმულობის, საინფორმაციო ტექნოლოგიებისა და ინოვაციების დეპარტამენტის უფროსი ირაკლი ქაშიბაძე.
სამინისტროს დელეგაციამ შეხვედრაზე წარადგინა საქართველოში ინფოკომუნიკაციების სფეროს შემდგომი ინოვაციური სრულყოფის და განვითარების კონცეპტუალური ხედვის პრეზენტაცია.
სამინისტროს ინფორმაციით, აღნიშნული მაღალი დონის შეხვედრაზე მიღებული გადაწყვეტილებები ხელს შეუწყობენ რეგიონში ინფოკომუნიკაციების სფეროს შემდგომ ინოვაციურ განვითარებაში BSEC-ის წევრი ქვეყნების მჭიდრო თანამშრომლობას.
08.10.13
