იუსტიციის უმაღლეს საბჭოში სხდომის პარალელურად არასამთავრობო ორგანიზაციების წარმომადგენლებმა აქცია გამართეს.
მათი განცხადებით, ისინი ითხოვენ, თანამდებობებიდან გადადგეს იუსტიციის საბჭოს ყველა წევრი, ასევე ლევან მურუსიძე და მიხეილ ჩინჩალაძე.
აქციის მონაწილეები საქართველოს პარლამენტს მიმართავენ, საზოგადოების ჩართულობით შექმნას ისეთი რეგულაციები, რომელიც უზრუნველყოფს მოსამართლედ საუკეთესო კანდიდატის შერჩევას.
ამასთან, მათი მოთხოვნაა, უზენაესი სასამართლოს მოსამართლეების შერჩევა-წარდგენა მოხდეს მხოლოდ მას შემდეგ, რაც იუსტიციის უმაღლესი საბჭოს ფორმირება მოხდება.
აქციის ორგანიზატორებმა დღესვე გაავრცელეს აღნიშნული მოთხოვნები და ხელმოწერების შეგროვება დაიწყეს.