ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე გერმანიის ფედერაციული რესპუბლიკის ელჩს საქართველოში, ჰუბერტ ქნირშს შეხვდა.
შეხვედრაზე ისაუბრეს პოლიტიკური კავშირების გაძლიერებასა და ბუნდესტაგთან ურთიერთობების გაუმჯობესებაზე.
„გერმანია ჩვენი პარტნიორია, რომელიც წლების განმავლობაში სერიოზულ დახმარებას უწევდა საქართველოს როგორც პოლიტიკური, ასევე ფინანსური თვალსაზრისით. ამდენად, ჩვენთვის მნიშვნელოვანია კარგი ურთიერთობების შენარჩუნება ამ ქვეყანასთან“, – განაცხადა სოფო კილაძემ.
შეხვედრაზე მხარებმა სოციალური პროექტის განხორციელების შესაძლებლობაზეც იმსჯელეს.
„სოციალური პროექტის განხორციელებას UNIჩEF-თან ერთად ვგეგმავთ ჩემს მაჟორიტარულ ოლქში – „ნახალოვკასა“ და ლოტკინში, რაშიც შესაძლოა გერმანული მხარე დაგვეხმაროს. მსგავსი პროექტი უკვე განხორციელდა რუმინეთში ვფიქრობ, რომ საქართველოში მისი დანერგვით ბევრი ადამიანი დაძლევს არაერთ სოციალურ პრობლემას“, – აღნიშნა კომიტეტის თავმჯდომარემ.
