ევროკავშირი ვენესუელაში რიგგარეშე არჩევნების ჩატარებას ითხოვს- ამის შესახებ განცხადება ევროკავშირის საგარეო პოლიტიკური უწყების ხელმძღვანელმა ფედერიკა მოგერინიმ გააკეთა.
მისი თქმით, ბრიუსელი მხარს უჭერს ვენესუელის პარლამენტს, რომელსაც სათავეში ოპოზიციის ლიდერი უდგას.
მოგერინის თქმით, ვენესუელელი ხალხი ითხოვს დემოკრატიას და საკუთარი ბედის განსაზღვრის თავისუფლებას. ამასთან, მან მოუწოდა ყველა მხარეს, თავი შეიკავონ ძალადობისგან და ადამიანის უფლებები დაიცვან.
„ევროკავშირი მზადაა, მხარი დაუჭიროს ვენესუელაში „დემოკრატიის აღდგენას, რაც კონსტიტუციის შესაბამისად, სანდო, მშვიდობიანი პოლიტიკური პროცესით უნდა მოხდეს”, – ნათქვამია ევროკავშირის უმაღლესი წარმომადგენლის განცხადებაში.
ვენესუელის დედაქალაქში გუშინ გამართულ აქციაზე, საკანონმდებლო ორგანოს სპიკერმა საკუთარი თავი, პრეზიდენტად გამოაცხადა.
ხუან გუაიდოს მხარი დაუჭირა აშშ-მა, ამერიკის სახელმწიფოთა ორგანიზაციამ და ლათინური ამერიკის სახელმწიფოების ნაწილმა.
გუაიდოს ვენესუელის დროებით პრეზიდენტად აღიარებაზე უარი მექსიკამ, ბოლივიამ და კუბამ თქვეს.
