“სრულიად საქართველოს კათოლიკოს-პატრიარქის სამძიმარი ბატონი ბადრი ვადაჭკორიას გარდაცვალების გამო.

დიდია ყველას გულისტკივილი გამორჩეული ფოტოხელოვანისა და ღირსეული პიროვნების, ბატონი ბადრი ვადაჭკორიას გარდაცვალების გამო.

სამშობლოსა და საქმისადმი სიყვარული გამოსჭვივის მის ყველა ფოტოში, რომელთაც მან თითქოს სული შთაბერა და ჩვენი ქვეყნის უნიკალურ მატიანედ აქცია. თითოეული კადრით მან თაობებს შემოუნახა მთელი ეპოქა – საქართველოს უახლესი ისტორიის მნიშვნელოვანი მოვლენები და ადამიანები, ეთნოგრაფიული ყოფა, ბუნება, სულიერი და კულტურული მემკვიდრეობა.

აღსანიშნავია მისი ღვაწლი საქართველოს მართლმადიდებელი ეკლესიის წინაშე. მრავალი წლის განმავლობაში იგი სიყვარულითა და რუდუნებით ქმნიდა სრულიად საქართველოს კათოლიკოს-პატრიარქ ილია II-ის ფოტომატიანეს. მისმა ობიექტივმა ასახა ჩვენი ეკლესიის ისტორიისა და მისი უწმინდესობის მოღვაწეობის მრავალი ღირსსახსოვარი კადრი.

მწუხარებას გამოვთქვამთ ბატონი ბადრის გარდაცვალების გამო. ღმერთმა აცხონოს და სავანესა მართალთასა დააწესოს მისი უკვდავი სული, ხოლო ოჯახის წევრებს, ახლობლებსა და მისი შემოქმედების გულშემატკივართ მიმადლოსმშვიდობა, ნუგეში და ძალა მისთვის ლოცვისა”, – ვკითხულობთ კათოლიკოს-პატრიარქის სამძიმრის წერილში.

The post კათოლიკოს-პატრიარქი: აღსანიშნავია ბადრი ვადაჭკორიას ღვაწლი საქართველოს მართლმადიდებელი ეკლესიის წინაშე. მისმა ობიექტივმა ასახა ჩვენი ეკლესიის ისტორიისა და მისი უწმინდესობის მოღვაწეობის მრავალი ღირსსახსოვარი კადრი appeared first on TTimes.GE.

თბილისში, ვერის ბაღთან, ქიაჩელის N30-ში არის ტაძარი, სადაც დაბრძანებულია ხატი „მოულოდნელი სიხარული“.

ტაძარს განსაკუთრებით ის ადამიანები აკითხავენ, რომლებსაც რთულ ვითარებაში იმედი თითქმის დაკარგული აქვთ და ღვთისმშობელს ნუგეშსა და დახმარებას ევედრებიან.

ვრცლად ↓

The post „როცა სასწაულის გარდა, არაფერი დარჩენიათ…“ – ხატი თბილისში, რომელსაც ცხოვრების წამში შეცვლა შეუძლია appeared first on TTimes.GE.

The post მეუფე გერასიმე ლანა ლატარიას პანაშვიდზე ოჯახში მივიდა appeared first on TTimes.GE.

ბექა მინდიაშვილს, მის თანამოაზრეებს და დამცველებს წინასწარ ვთხოვ, ქართველების სიყვარულსა და ვაჟკაცობაზე, მორალის კითხვას აქ ნუ დამიწყებენ, რადგან მე კარგად ვიცი რას ნიშნავს ქართველი ჯარისკაცის მნიშვნელობა და მის გადასარჩენად გაწეული რისკი.
2008 წლის 15 აგვისტოს შინდისის შეტაკებაში გადარჩენილი ჯარისკაცები, ჩემი გამოყვანილია, მამა ნეოფიტესა და მამა საბასთან ერთად.

აქ გრძლად არ მოვყვები ამ ამბავს, მხოლოდ იმას გეტყვით, რომ ოკუპანტთა სამი სამხედრო ბლოკპოსტი, გადატენილი იარაღის ქვეშ, ალალბედზე გავიარეთ და გადამალული დაჭრილი ბიჭები ასე მივიყვანეთ გორის ჰოსპიტალში. ჯვარი მწერია, არავის არ ვამადლი, რადგან ასჯერ რომ გახდეს საჭირო ეს, ისევ ასე მოვიქცევი, უბრალოდ ნუ ჩაერევით კომენტარებში იმ კატეგორიის ადამიანები, ვინც მაშინაც და ეხლაც მხოლოდ კლავიატურასთან პატრიოტობთ და მორალისტობთ.

როგორ ფიქრობ ბექა, „დიდო პატრიოტო და მორალისტო“, ბლოკპოსტებზე აქედან იქით მიმავალებს უნდა გველანძღა რუსი სამხედროები, თუ იქიდან უკანა გზაზე გამოვლისას?

ეხლა გინტურის ამბავს გავიხსენებ: მლეთაში, ლომისის მთის წვერზე, წმინდა გიორგის ეკლესიის ნაწილი და საცხოვრებელი კელიები მოხვედრილია იმ ხაზს მიღმა, რომელსაც დღეს საოკუპაციო ხაზი ჰქვია. იქ მარტოობაში, ძალიან მძიმე საცხოვრებელ პირობებში, ცხოვრობდა ბერი. ამ საოკუპაციო ხაზთან კვირაში რამდენჯერმე რუსის სამხედრო პარტული ამოდის. დღეს, რომ ლომისის წმინდა გიორგის ტაძარი მოვლილია და დაკეტილი არ არის,ასევე, საოკუპაციო პოსტი რომ არ დგას და ქართველებს იქ მისვლა და ლოცვა შეგვიძლია, ამ მარტო მცხოვრები ბერის და მამა დავით ბურდულის ღვაწლია.

ბექა, „დიდო პატრიოტო და მორალისტო“, როგორ ფიქრობ, რუსი ჯარისკაცების პატრული რომ ავა ლომისას მთაზე, ამ ბერმა მაშინ უნდა ლანძღოს ოკუპანტები, თუ მანამდე, დავუშვათ, ინტერვიუს მიცემის დროს?!

რომ არა ეს სასულიერო პირები, ლომისის ტაძარში ვერავინ ავიდოდით და პარადოქსია, რომ მავანნი, ამ სასულიერო პირების წყალობით ასულნი, მათ ლანძღავენ და საქართველოს მტრებად სახელდებენ. თურმე რამე დააკლეს, არ კმარა თურმე ბექასთვის ის შრომა და რისკი, რასაც ეწევიან მაგ ავადსახსენებელი ხაზის იქით სასულიერო პირები.

დავუბრუნდები თამაზ გინტურის ამბავს: როდესაც ინფორმაცია გავიდა – რუსებმა ლომისის ტაძართან მისვლა აუკრძალეს ქართველებსო, სიუჟეტი ისე გაკეთდა, რომ ხალხს ეგონა მლეთის ლომისის ტაძარზე იყო საუბარი(სინამდვილეში სოფელ კირბალთან მოხდა). შეიქმნა საფრთხე, რომ ვინმე ადგილობრივს, ცხელ გულზე, კონფლიქტი მოსვლოდა რუსების საოკუპაციო-საპატრულო ჯგუფთან და ტრაგედია დატრიალებულიყო.

პატრიარქ შიოს ლოცვა კურთხევით (მაშინ მოსაყდრე იყო) სასწრაფოდ ავედით მე და მამა დავით ბურდული ლომისის წვერზე და იქიდან პირდაპირი ჩართვით ავუხსენი მოსახლეობას, რომ მლეთის, ლომისის წმინდა გიორგის სალოცავზე ასვლა არ შეზღუდულა (სწორედ მაშინ ითქვა, რომ რუს სამხედროებს ჩაით უმასპინძლდებოდა იქ მცხოვრები ბერი). ამით შევეცადე დამეზღვია ტრაგიკული შემთხვევა ამ მხარეში.

თუმცა , სამწუხაროდ, ინფორმაციის გასვლამ ტაძართან მისვლის შეზღუდვის შესახებ, მშვიდობით არ ჩაიარა მეორე, სოფელ კირბალთან არსებულ ლომისის ტაძართან, სადაც რუსმა სამხედროებმა ბატონი თამაზ გინტური მოკლეს.

ბექა, მაინტერესებს, შენ თუ შეძლებ საოკუპაციო ხაზს მიღმა გადასვლას და იქ რუსი სამხედროების გალანძღვას და თქმას, რომ ისინი ოკუპანტები არიან.

სამწუხაროდ, არ ხარ შენ ეგ კაცი. კლავიატურაზე წერა და ინტერნეტმორალისტობა ნუ გეგონება, საოკუპაციო ხაზს იქით ქართული კერის შენარჩუნება, რომელსაც მლეთაში, ლომისას მთის წვერზე, სასულიერო პირები ახერხებენ.

გინტურის ტრაგედიამდე ორი დღით ადრე ინტერვიუ მქონდა ამ თემაზე და ვაფრთხილებდი აჟიოტაჟის ამტეხებს მოსალოდნელი საფრთხის შესახებ, თუმცა ერთი ქართველი კაცი ამას მაინც შეეწირა.” – წერს დეკანოზი ანდრია ჯაღმაიძე.

The post რომ არა ეს სასულიერო პირები, ლომისის ტაძარში ვერავინ ავიდოდით–კლავიატურაზე წერა და ინტერნეტმორალისტობა ნუ გეგონება საოკუპაციო ხაზს იქით ქართული კერის შენარჩუნება.” – დეკანოზი ანდრია ჯაღმაიძე appeared first on TTimes.GE.

The post „სურვილს წერ და დებ… მეორე დღეს ფურცელი სადღაც ქრება და სურვილი სრულდება…“ – სასწაულმოქმედი ტაძარი შიდა ქართლში appeared first on TTimes.GE.

წელიწადში მხოლოდ ერთხელ, მორწმუნეები ქრისტიანობის ერთ-ერთი მთავარი საგანძურის, ღმრთისმშობლის სამოსლის სანახავად, მთელი საქართველოდან და მსოფლიოს სხვადასხვა წერტილიდან ზუგდიდში ჩადიან.

უდიდესი სიწმინდე, ღვთისმშობლის კვართი, ზუგდიდშია დაბრძანებული. ყოველ წელიწადს, 15 ივლის აღინიშნება ვლაქერნობა. ამ დღეს ღვთისმშობლის კვართს მუზეუმიდან ვლაქერნის ღვთისმშობლის ხატის ტაძარში გადააბრძანებენ ხოლმე.

ტროპარი

ღმრთისმშობელო ქალწულო, კაცთა მფარველო, სამოსელი და სარტყელი უხრწნელისა გვამისა შენისა მტკიცედ მცველად მოსცენ ქალაქსა სენსა, რომელნი იგი უთესლოსა მის შობისა შენისა მიერ განუხრწნელად ჰგიან მარადის, რამეთუ შენ ზედ ბუნებანი მოუძლურდეს და ჟამნიცა; ამისთვის გევედრებით: მშვიდობაი სოფელსა მოანიჭე და სულთა ჩუენთა დიდი წყალობაი.

The post 15 ივლისს ვლაქერნობაა – ლოცვა, რომელიც დღეს უნდა წაიკითხოთ appeared first on TTimes.GE.

„ყველაზე რთული არის სიხარულის გაზიარება… ბევრად უფრო მარტივია ადამიანის ტკივილის გაზიარება, რადგან ტკივილს შური არ ახლავს თან… როცა ადამიანს შვილი ჰყავს ძალიან მძიმედ და ხომ არ შეგშურდება, მე რატომ არ მყავს შვილი მძიმედო?! შენი შვილის მეგობარმა დიდ წარმატებას რომ მიაღწია და შენი შვილი ვერ აღწევს, შეიძლება შური დაგეუფლოს და მის სიხარულში ვერ შეხვიდე. შენ შეიძლება სხვისი სიხარულით ვერ გაიხარო. ნამდვილი მეგობრობა, ნამდვილი ქრისტიანობა სხვისი სიხარულით გახარებაა. შენ შურს არ აკარებ საკუთარ თავს, შური შენგან შორს არის.

ნამდვილი მეგობრობა რაზე დგას – ნამდვილი მეგობარი არის ის, ვისაც შენი სიხარული უხარია და ხარობს. მას არ აქვს წარმატება, რადგან შენ მიიღე, ამით ხარობს და მასში შურს გასაქანს არ აძლევს. ეს ყველაზე რთული პროცესია, მე ვფიქრობ, უმაღლესი ხარისხი ქრისტიანობისა,“ – ამბობს მამა შალვა.

The post „ყველაზე რთული არის სიხარულის გაზიარება… ტკივილს შური არ აქვს“ – მამა შალვა appeared first on TTimes.GE.

ადამიანებს შეუძლიათ მივიდნენ და სარტყელი გაიკეთონ. ნუცუბიძეზე მდებარე ტაძარში მისულ ადამიანებს შესაძლებლობა აქვთ, სიწმინდეს პატივი მიაგონ.

The post „წმინდა ნექტარიოს ეგინელს წირვის დროს ეკეთა…“ – სასწაულმოქმედი სარტყელი თბილისშია appeared first on TTimes.GE.

ერთ დღეს ბოსტანში თიბავდა, მაგრამ ცელის ორჯერ მოქნევაც ვერ მოასწრო, რომ ბალახში ხატი შენიშნა… მასზე გამოსახული დედა ღვთისა ჯვარცმული უფლის წინაშე ლოცულობდა და გამოუთქმელი სინათლით იყო გაბრწყინვებული…

ღვთის შიშით აღვსილმა მღვდელმა პირჯვარი გამოისახა და ლოცვა იწყო… მხურვალედ ილოცა, ხატის წინ სამი დიდი მეტანია აღასრულა, შინ წააბრძანა და საპატიო ადგილიც მიუჩინა…

სამი წლის მანძილზე ხატი მის სახლში იმყოფებოდა. შინაურებმა მალევე შენიშნეს, რომ გაურკვეველი შიშის გამო იმ ოთახში, სადაც ხატი იმყოფებოდა, ღამის გათევა შეუძლებელი იყო…

სამი წლის შემდეგ ღვთისმშობლის საფარველის დღესასწაულზე მღვდელი ოთახში შევიდა და პირვანდელივით განაცვიფრა ხატიდან გარდამომავალმა ძლიერმა ნათებამ… ეს მოვლენა რამდენჯერმე განმეორდა, მაგრამ მღვდელი ლოცულობდა და ამის შესახებ დუმდა. ერთ დღეს სიზმრად ღვთისმშობელი გამოეცხადა, რომელმაც ხატის მტვრისაგან გათავისუფლება უბრძანა… მღვდელს იგი სუფთა წყლით უნდა განებანა და საფარველი ჩამოეფარებინა…

გაღვიძებისთანავე მტვერი მოაცილა და წყლით განბანა, ნაბანი წყალი ჭურჭელში შეაგროვა და დილისთვის მის მდინარეში გადაღვრას აპირებდა, მაგრამ ღამით ესიზმრა, თითქოს მდინარისკენ მიდიოდა, წყლიანი ჭურჭელი გადასაღვრელად მიჰქონდა, გზად კი კვლავ დედა ღვთისა გამოეცხადა და უბრძანა: – “შინ დაბრუნდი და ეგ წყალი შეინახე, იგი ციებით შეპყრობილთ განკურნავსო…”

მღვდლის ქალიშვილს, დიდი ხანი იყო, რაც ციება ტანჯავდა, როგორც კი გამოეღვიძა, დასალევად ეს წყალი მისცეს და იგი მყისიერად განიკურნა… ამ ამბის შემდგომ ღვთისმშობელს ყველა ციებით შეპყრობილი მიმართავდა და წყლის მიღებისთანავე იკურნებოდნენ… ხატი მღვდლის ოჯახში კიდევ სამ წელიწადს დარჩა.

ერთ დღეს მამა ვასილმა შენიშნა, რომ ხატზე საღებავებს ბზარები გაუჩნდა, ხატმწერი მოიწვია და მისი აღდგენა მიანდო… ამ უკანასკნელმა ხატი შინ მიაბრძანა და საპატიო ადგილას მოათავსა, სურდა, მუშაობას ორიოდ დღეში შესდგომოდა, მაგრამ ღამით მისგან გამომავალმა ხმამ გააღვიძა: – “ადექი, ხატის უკან დაბრუნების დრო დადგა, უკეთესად შენ მას ვერ შეაკეთებო…”

შეშინებულმა ხატმწერმა გათენებისთანავე ხატი მღვდელს დაუბრუნა და მისგან გარდამომავალი ხმის შესახებაც უამბო… ამის გამგონე მღვდელმა ამჯობინა, ხატი სამრევლო ტაძარში წაებრძანებინა, სადაც იგი სასწაულებრივად გაბრწყინდა…

იოანეს, რომელსაც ხატი უნდა აღედგინა, ციებით გატანჯული ყრმა ჰყავდა. როდესაც ახტირის ღვთისმშობლის მიერ აღსრულებული სასწაულების შესახებ შეიტყო, ხატი განბანა და წყალი ბავშვს დაალევინა, რომელიც მყისვე გამოჯანმრთელდა…

ყველა, ვინც რწმენით მიმართავდა ღვთისმშობელს, სასწაულებრივად იკურნებოდა. განსაკუთრებით საგულისხმოა ერთი ისტორიულად სარწმუნო გადმოცემა: – გენერალ ვეიდერის მეუღლე ელისაბედი ახტირში ჩავიდა და მხურვალედ ევედრა ღვთისმშობელს, რომ განეკურნა. მომდევნო ღამეს დედა ღვთისა იხილა, რომელმაც აუწყა: – “ამაოდ ითხოვ კურნებას, ეს შენ არ გჭირდება, რადგან მალე ამ ქვეყანას დატოვებ… შენი ქონება ეკლესიებსა და უპოვართ გაუნაწილე, რადგან ეს მსხვერპლი შენივე სულის საოხი იქნებაო…”

სნეულმა უპასუხა: – “ღვთის დედაო, მე შვილები მყავს და თუ ქონებას დავარიგებ, ისინი სიღატაკეში აღმოჩნდებიანო…”, რაზეც პასუხად მიიღო: – “შვილებზე ნუ ზრუნავ, მე მუდამ მათი მფარველი ვიქნები, შენ კი ხუთი დღის შემდეგ გარდაიცვლები, განსვლისათვის მოემზადე და ქონების გაცემა ისწრაფე, რათა შენი ხსნისათვის ილოცონო…”

დედა ღვთისა გაუჩინარდა, ავადმყოფმა გამოიღვიძა, სულიერი მოძღვარი იხმო და ყოველივე ამცნო… ხუთი დღის შემდეგ კი მშვიდობით აღესრულა…

როდესაც იმპერატრიცა ეკატერინე მეორემ ამ სასწაულებრივი მფარველობის შესახებ შეიტყო, მის ორ ქალიშვილზე მეურვეობა იკისრა და შემდგომ გაათხოვა კიდეც, – ერთი ცოლად გრაფ პალენს გაჰყვა, მეორე კი – გრაფ ჩერნიშევს.

სასწაულთმოქმედი ხატი ხარკოვის გუბერნიაში, ქალაქ ახტირის საკათედრო ტაძარში იმყოფება. მასზე გამოსახული ღვთისმშობელი ჯვარცმული უფლის წინაშე ლოცულობს…

The post „შინ დაბრუნდი და ეგ წყალი შეინახე, იგი ციებით შეპყრობილთ განკურნავსო…“ – ახტირის ღვთისმშობლის ხატის სასწაულები appeared first on TTimes.GE.

ხატი ხელს უწყობს ოჯახის შენარჩუნებას და რთული საბინაო საკითხების გადაჭრას და დაქორწინებულ წყვილებს შორის ერთგულების შენარჩუნებას.

კვანძების გამხსნელის ღვთისმშობელი. გამოსახულების სიუჟეტი ასახავს წმინდა ირინის სიტყვებს: “ევას ურჩობის კვანძი მარიამის მორჩილებით გაიხსნა. რისთვისაც ურწმუნოებით შეკრული ევამ, ღვთისმშობელმა რწმენით გახსნა”.
ღვთისმშობლის ხატის რომელიც ხსნის კვანძებს – მოაქვს კეთილდღეობა და დაცვა უბედურებისგან, ხსნის ყველა უბედურებას და მოაქვს სინათლე და კურნება იმ სახლებში, სადაც მას პატივს სცემენ.

ლოცვა ამ ხატის წინაშე წასაკითხი

ო, უსაყვარლესო დედაო და ყოვლადწმიდა ქალწულო მარიამ, შენ, შვილების მახრჩობელ „კვანძებს“ გაშალე ჩემკენ მოწყალე ხელები. ამ „კვანძს“ (ჩვენ მას უბედურებას ვეძახით) და მის ყველა უარყოფით შედეგს დღეს მენდობ. მე გაძლევ ამ „კვანძს“, რომელიც მტანჯავს, მაბედნიერებს და ხელს უშლის შენთან გაერთიანებას და შენს ძესთან, ჩემო მაცხოვართან. მე მტკიცედ მჯერა, რომ შეგიძლია
ამ “კვანძის” გახსნა, რადგან უფალი იესო გაძლევს მთელ ძალას. შენ ჩემი დედა ხარ, ვიცი, რომ ამას გააკეთებ, რადგან დიდი სიყვარულით გიყვარვარ. ჩემი ცხოვრების „კვანძებს“ გამხსნელ ღვთისმშობელო, ილოცე ჩემთვის! გმადლობთ, ჩემო წმინდაო ქალწულო მარიამ !

მეორე ლოცვა

ო, უსაყვარლესო დედაო, ყოველგვარი მადლის წყაროო, დღეს ჩემი გული შენკენ მიბრუნდება. ვაღიარებ, რომ ცოდვილი ვარ და შენი დახმარება მჭირდება. ამ „კვანძს“ შენს ხელში ვანდობ და გთხოვ, მაპატიო, რომ ხშირად უგულებელყოფ იმ მადლს, რომელსაც მაძლევ.
ჩემი ცხოვრების „კვანძებს“ გამხსნელო ღვთისმშობელო, ილოცე ჩემთვის! გმადლობთ, ჩემო წმინდაო ქალწულო მარიამ!
ჩემო უწმიდესო შუამავლო, ზეციურ დედოფალო, შენ, რომლის ხელებითაც ვიღებ და ვიზიარებ მთელ ზეციურ სიმდიდრეს. ჩემი ცხოვრების ამ „კვანძს“ შენს ხელში ვათავსებ. ზეციური მამისგან პატიებას ვითხოვ ჩემი შეცდომების გამო, რათა შენ შეძლო ეს „კვანძი“ გახსნა .
ღვთისმშობელო, ილოცე ჩემთვის! გმადლობთ, ჩემო წმინდაო ქალწულო მარიამ
საყვარელო წმიდაო დედაო, რომელიც მიესალმება ყველას, ვინც შენსკენ ისწრაფის , შემიწყალე მე. ამ რთულ „კვანძს“ შენს ხელში ვდებ. ის განდევნის ჩემგან წუხილ.
დაამშვიდებს ჩემს სულს.
ეს „კვანძი“ ხელს უშლის ჩემს უფალთან მისვლას, რათა ჩემი სიცოცხლე მას მივუძღვნა.
გთხოვ, გაშალე ეს “კვანძი”.

წმინდაო მარიამ სთხოვე შენს საყვარელ ძეს განკურნება ჩემი, იარე ჩემთან ერთად.მომეცი ძალა, რათა შევწყვიტო წუწუნი, ვისწავლო, მადლობა გადავუხადო ღმერთს ყოველ წამს და შენი ძალით თავდაჯერებულად გავიღიმო. ჩემი ცხოვრების „კვანძებს“ გამხსნელ ღვთისმშობელო, ილოცე ჩემთვის!

The post იშვიათი ხატი „კვანძების გამხსნელი“ – ლოცვა, რომელიც ამ ხატის წინაშე იკითხება appeared first on TTimes.GE.