9 საათის წინ
საქართველოში კორონავირუსის პირველი შემთხვევა დაფიქსირდა
15 საათის წინ
ნათია თურნავას განცხადებით, ლარის გამყარება იმის დასტურია, რომ ეროვნული ვალუტა მყარი და ჯანსაღი ვალუტაა და ეკონომიკა მყარად ვითარდება
15 საათის წინ
ჯანდაცვის მინისტრი – ახალ კორონავირუსთან დაკავშირებით საფრთხის რისკი მომატებულია, მაგრამ ყველა ღონისძიება გვაქვს გატარებული, რაც ამ რისკს მნიშვნელოვნად ამცირებს
15 საათის წინ
ნათია თურნავა კორონავირუსზე – გაზაფხულთან ერთად ეს გამოწვევაც გადაივლის – ხშირად დავიბანოთ ხელი და არაფერი მოხდება, ამას მარტივად გადავიტანთ
2 დღის წინ
ლევან გელბახიანს ევროპის ამომავალი ვარსკვლავის ჯილდო გადაეცა

ატლანტიკური საბჭოს საქართველოში ვიზიტი ემსახურება ჩვენი თანამშრომლობის განმტკიცებას და იმის უზრუნველყოფას, რომ შავი ზღვა იყოს უსაფრთხოებისა და სტაბილურობის წყარო რეგიონში, – ამის შესახებ ნატო-ს გენერალური მდივნის მოადგილემ, როუზ გოტმიოლერმა ნატო-საქართველოს კომისიის სხდომაზე განაცხადა.

„ჩვენი ვიზიტი გახლავთ ნატო-ს მიმდინარე ვალდებულებების ნათელი დემონსტრირება და ჩვენ ასევე აღვნიშნავთ ნატო-საქართველოს არსებითი პაკეტის გაფორმების ხუთი წლისთავს. ეს პაკეტი გახლავთ ჩვენი მხარდაჭერის ქვაკუთხედი საქართველოს უსაფრთხოების სექტორში მიმდინარე რეფორმებისადმი და საქართველოს ნატო-ს წევრობისთვის მომზადებისთვის“, – აღნიშნა როუზ გოტმიოლერმა.

მისი თქმით, საქართველო ნატო-ს უახლოესი პარტნიორია.

„ჩვენ მაღალ შეფასებას ვაძლევთ საქართველოს წვლილს, რომელიც მას შეაქვს ევროატლანტიკურ უსაფრთხოებაში. გასულ წელს ნატო-ს ლიდერებმა დაადასტურეს 2008 წლის ბუქარესტის სამიტზე მიღებული გადაწყვეტილება, რომ საქართველო გახდება ნატო-ს წევრი. ჩვენ კვლავ მოვუწოდებთ რუსეთს, გაიყვანოს ჯარები საქართველოს ოკუპირებული რეგიონებიდან და პატივი სცეს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში. ეს ვიზიტი ემსახურება ჩვენი თანამშრომლობის განმტკიცებას და იმის უზრუნველყოფას, რომ შავი ზღვა იყოს უსაფრთხოებისა და სტაბილურობის წყარო ყველასთვის რეგიონში“, – განაცხადა როუზ გოტმიოლერმა.

Please follow and like us: