„შეუძლებელია რომელიმე ოპოზიციურმა პარტიამ გადაუხვიოს ხალხის ნებას. ჩვენ ვთავაზობთ უმრავლესობას,რომ პრეზიდენტის არჩევის წესი გადაწყვიტოს მას შემდეგ, რაც საქართველოში შედგება ორპალატიანი პარლამენტი“ , – ვენეციის კომისიისთვის წარსადგენ 4 პუნქტიან გეგმაზე პრეზიდენტის საპარლამენტო მდივანმა ანა დოლიძემ ტელეკომპანია „იმედის“ ეთერში ისაუბრა.
„ოპოზიციის სრულ სპექტრში გვქონდა უპრეცედენტო თანხმობა 6 პუნქტიან დოკუმენტზე. პრეზიდენტი შესთავაზებს უმრავლესობას კომპრომისულ 4 პუნქტიან შეთანხმებას. მათ შორის არის უმრავლესობის მოთხოვნილი საკითხები, ბონუსის აკრძალვა და ბლოკების დაშვება. მესამე საკითხი ასევე უმრავლესობის გაზიარებული იქნება, ესაა პროპორციულ სისტემაზე გადასვლა, მეოთხე პუნქტი ეხება პრეზიდენტის არჩევის წესს.
რაც შეეხება აღმსარებლობის მუხლს, რომელიც გააკრიტიკა გაერომ და ვენეციის კომისიამ, მზად ვართ ეს პუნქტიც ჩავწეროთ შეთანხმებაში. ეს საკითხები არის პრეზიდენტის ვეტოს შეთავაზებული დოკუმენტი. მესამე პუნქტი ითვალისწინებს ვენეციის კომისიის კრიტიკას და დაპირებას,რაც ქართველმა ხალხმა მიიღო და უმრავლესობას თავადვე აქვს გააზრებული. ეს იყო სურვილი,რომელიც ვერ განხორციელდა პარტიული გამოწვევების გამო“ , – განაცხადა ანა დოლიძემ.
მანანა ღოღობერიძე
