7759131591d28d56690022e818023954მსოფლიოს ერთ-ერთ ყველაზე დიდ სახელოვნებო ბაზარზე,  ნიუ იორკ არტ ექსპოზე  საქართველო თავისი კულტურით პირველად წარსდგება.  ქართული პავილიონი ნიუ იორკში 4 – 6 აპრილს  იქნება წარმოდგენილი.

კულტურის სამინისტროს ცნობით, საქართველოს პავილიონს ორგანიზებას გაუწევს გამომცემლობა „მინიატურა“.  კულტურის დღეები ნიუ იორკში მოიცავს ქვეყნის კულტურის მცირე ნაწილის წარმოჩენას, კერძოდ ქართული მხატვრობის, ქანდაკების გამოფენას და  ქართული წიგნის ხელნაკეთი ნიმუშების წარდგენას. (ნიუ იორკში წარსადგენი წიგნების კერვის მეთოდი შექმნილია ქართველი გამომცემლების მიერ, არის ინოვაცია და ანალოგი არ მეიძებნება მსოფლიოში).

Art Expo New York წარმოადგენს ერთ-ერთი ყველაზე პრესტიჟული არტ ბაზრობას, რომელიც 35 წელზე მეტია იმართება. გარდა ჯგუფური ექსპოზიციებისა ბაზრობა ყოველწლიურად  მსოფლიოს სხვადასვა ქვეყნიდან 400-ზე მეტ პერსონალურ გამოფენას მასპინძლობს.

არტ ექსპოზე მონაწილეობს 500-ზე მეტი გალერეა, 150 მუზეუმი, დამთვალიერებელთა რაოდენობა ასეულობით ათასს აღემატება.  ექსპოს ორგანიზატორია მსოფლიო მედია ლიდერი Redwood Media Group (აშშ).

ექსპოს დასრულების შემდეგ, 7 აპრილს გაიმართება სპეციალური მიღება საქართველოს გენერალურ საკონსულოში. ასევე დაგეგმილია შეხვედრა ემიგრანტებთან, რომელსაც უზრუნველყოფს ნიუ იორკის ქართულ-ამერიკული კულტურის ცენტრი The Georgian theater of New York.LSD-ში.

ექსპოზე წარმოდგენილი იქნება ყველა თაობის ქართველი მხატვარი, მათ შორის ზურაბ ნიჟარაძე, ბესო არბოლიშვილი, ოთარ იმერლიშვილი, შალვა მატუაშვილი, რეზო ადამია, გიორგი ლაღიძე, ლაშა, ჯემალ და გიორგი კუხალაშვილები და სხვა ხელოვანები.

01.01.14

 

Please follow and like us: