გუშინ, გაიმართა ახალგაზრდული მოძრაობა ,,დავითიანნის’’ მიერ ჩატარებული კვლევის პრეზენტაცია თემაზე -,,სტუდენტი და სამოქალაქო საზოგადოება’’, სადაც განხილული იქნა ,,დავითიანნის’’ ანალიტიკური კვლევების კომიტეტის მიერ 2012 წლის ივნისში და 2013 წლის ივლისში ჩატარებული კვლევის შედეგები.
აღნიშნულ კვლევში – 340 რესპოდენტმა მიიღო მონაწილეობა. სტუდენტების 25%-თვის ცოდნის ხარისხის ამაღლების პრიორიტეტს მაღალი ანაზღაურებადი სამსახურის შოვნის პერსპექტივა წარმოადგენს.
კითხვაზე თუ რამდენად არიან სტუდენტები კმაყოფილნი სწავლის ხარისხით კვლევამ აჩვენა, რომ – 14% -ი ძალიან კმაყოფილია, ხოლო 24 %-ი უკმაყოფილოა.
რაც შეეხება უნივერსიტეტის ცხოვრებაში ჩართულობას, სტუდენტური აქტიურობის საკითხებს, რესპოდენტთა – 57%-ი მიიჩნევს, რომ სასურველია სტუდენტი იყოს აქტიური, ხოლო 38%-თვის ეს აუცილებელია.
აღსანიშნავია ის ვითარება, რომ დაბალკურსელები უფრო კმაყოფილნი არიან სწავლის ხარისხით, უფრო აქტიურად არიან ჩართულნი სტუდენტურ ცხოვრებაში, ვიდრე მაღალკურსელები.
გამოკითხული სტუდენტების უმეტესობის თქმით, პროტესტის გრძნობის შემთხევაში, ისინი ღიად აფიქსირებენ საკუთარ აზრს, თუმცა ამ საკითხთან დაკავშირებით მნიშვნელოვანია, რომ რესპოდენტთა უმეტესობა მხოლოდ მეგობრულ და ოჯახურ წრეში აფიქსირებს საკუთარ პოზიციას, იგივი ვითარება შეინიშებოდა გასულ წელსაც.
ჩატარებული კვლევების შედეგად შეინიშნება, რომ მიმდინარე წელს უფრო მეტი სტუდენტი საკუთარი სურვილის მიხედვით ირჩევს პროფესიას. გასულ წელს კი მათ არჩევანზე დიდ გავლენას ახდენდა ოჯახი.
სწავლის ხარისხთან დაკავშირებით წინა წელს სტუდენტთა 52%-ი იყო კმაყოფილი, წელს მაჩვენებელმა დაიწია და 47%-ს წარმოადგენს.
გასათვალისწინებელია ისიც, რომ მიმდინარე წელს სტუდენტები ღიად საუბრობენ, რომ ყველაზე დიდი პრობლემა მათ გააჩნიათ ეკონომიკური და დასაქმების თვალსაზრისით, გასულ წელს კი ისინი თავს იკავებდნენ ამ კითხვაზე პასუხის გაცემისგან.
12.10.13
მარინა ფიდუაშვილი
