ეროვნულ ბიბლიოთეკაში გაერო-ს მდგრადი განვითარების კუთხე გაიხსნა. ის მოიცავს ბიბლიოთეკას, ელექტრონულ სამკითხველოსა და სადისკუსიო სივრცეს. გახსნას დაესწრო გაერო-ს მუდმივი წარმომადგენელი საქართველოში – საბინე მახლისი. ამასთან აღსანიშნავია, რომ კუთხეს უხელმძღვანელებს ანგლო-ამერიკული დარბაზის კურატორი, მაია სიმონიშილი. “თბილისი თაიმსს” სწორედ ის ესაუბრა.
“ჩვენ დაგვიკავშირდა განათლებისა და საერთაშორისო განვითარების აკადემიის წარმომადგენელი, მარიამ გამეზარდაშვილი, რომელმაც შემოგვთავაზა, გაერო-ს მხარდაჭერით, გაერო-ს მდგარი განვითარების კუთხის გახსნა. მდგრადი განვითარებიის მიზნები და ამოცანები ძალიან მნიშვნელოვანია – ის ითვალისწინებს იმ 17 მიმართულებას, რომელიც საჭიროა ყველა ქვეყნის განვითარებისთვის. ეს არის დადგენილი, 17 პრობლემა, რომელიც არსებობს ქვეყნებში, როგორიცაა სიღარიბის, შიმშილობის დაძლევა, ხარისხიანი განათლება, გენდერული თანასწორობა, სანიტარია, რესურსები, ეკოლოგია, ეკონომიკური მდგრადობა და ა.შ. ეს საკითხები არ არის ცალკე განყენებული. ისინი ყველა ქვეყანაში აქტუალურია.
გაერო-მ გააერთიანა ყველა ეს პრობლემა და შეადგინა მდგრადი განვითარების გეგმა. იმისთვის, რომ ქვეყნები სრულად განვითარდნენ, საჭიროა ამ პუნქტების დაძლევა”, – განმარტავს სიმონიშვილი.
როგორც რესპონდენტი აღნიშნავს, საერთაშორისო სტანდარტით, ბიბლიოთეკები ამ მოძრაობას შეუერთდნენ.
“რაც შეეხება ბიბლიოთეკას – ბიბლიოთეკები, საერთაშორისო სტანდარტით, შეუერთდნენ ამ მოძრაობას. ყველა ბიბლიოთეკაში იწყება პროგრამები მდგრადი განვითარების მიმართულებით. ეს ითვალისწინებს განათლების ხელმისაწვდომობასა და მოსახლეობის ინფორმირებას.
კუთხე აღჭურვილია უახლესი ტექნიკით – კომპიუტერი, პრინტერი და ა.შ. ასევე, აქ არის ლიტერატურა, რომელიც პირადად შევარჩიეთ. ეს ლიტერატურა გახლავთ ბესტსელერი სხვადასხვა დარგში. ამავე დროს, ის ითვალისწინებს სხვადასხვა სფეროში სიახლეების გაცნობას. 17-ვე მიმართულებაზე, დარგზე იქნება ცოტ-ცოტა ლიტერატურა იმისთვის, რომ როდესაც ადამიანი პირველად მოდის ბიბლიოთეკაში, ამ კონკრეტული სფეროს შესახებ მიიღოს საბაზისო ცოდნა”.
არასდროს მოსახლეობას არ გვიგრძნია სიტყვა “მდგრადის” მნიშვნელობა, როგორც დღეს, როდესაც პანდემიის რყევებში ვართ. შესაბამისად, ყველა ეს მიზანი რომ განხორციელდეს, მსგავსი რყევები ქვეყნებს ყოველთვის ნაკლებად აისახება.
“ჩვენ გვქონდა ასევე სიურპრიზი – შვედეთში ქართველ კურსდამთავრებულთა ასოციაციამ მოგვაწოდა ბუკლეტები, საინფორმაციო მასალები მდგრადი განვითარების შესახებ. შესაბამისად, ჩვენი კუთხე უკვე გამზადებული გახლდათ. ეს მეტყველებს იმაზე, რომ სხვადასხვა ქვეყანაში მიდის საუბრები ამ კონკრეტული მიმართულებით.
ამავე დროს, სასიხარულოა, რომ ჩვენ გვექნება სემინარები ქალთა ჯანმრთელობაზე, ბიზნესპროექტეის წერაზე და ა.შ. გაერო-ს მხარდაჭერით, ეს ყველაფერი იქნება უფასო. გაგრძელდება პერიოდულობით. ლიტერატურაც პერიოდულად განახლდება და დავამატებთ”, – ამბობს მაია სიმონიშვილი “თბილისი თაიმსთან” საუბრისას.
მასალა მომაზადა : მარიამ ტიელიძემ
