მართლმადიდებლური ეკლესია 13 დეკემბერს ანდრია პირველწოდებულის ხსენების დღეს აღნიშნავს. ამ დღესთან დაკავშირებით ყველა მოქმედ ტაძარში ღვთისმსახურება აღევლინება.
წმინდა მოციქული ანდრია პირველწოდებული წმინდა პეტრე მოციქულის ძმა იყო. უფალმა მოციქულთა შორის პირველად ანდრიას მოუწოდა. ამიტომაც მას პირველწოდებული ეწოდა. დედაღვთისამ მას მოუწოდა საქართველოში წამოსვლა და ამცნო, რომ მის წილხვედრ ქვეყანაში წმ. ანდრიას უნდა ექადაგა. ქართლის ტერიტორიაზე იგი პირველად დიდ აჭარაში შემოვიდა. მას თან ჰქონდა ყოვლადწმინდა ღვთისმშობლის მიერ ბოძებული ხელთუქმნელი ღვთისმშობლის ხატი. წმინდა მოციქული ანდრია საბერძნეთის ქალაქ პატრაში ჯვარზე დაკიდებული აღესრულა.
მის ხსენებას საქართველოს მართლმადიდებელი სამოციქულო ეკლესია ორჯერ აღნიშნავს. 12 მაისს წმინდა მოციქულის საქართველოში შემოსვლის დღე აღინიშნება.
სოფელ დიდაჭარაში დღემდეა შემონახული ნანგრევები იმ ტაძრისა, რომელიც თავად ანდრიაპირველწოდებულმა ააშენა.
მასალა მოამზადა: თორნიკე ყრუაშვილმა
