“Cherchez la femme – ეძიე  ქალი” – ბრენდი, რომელიც გემოვნებიან კაბა-ხალათებსა და კიმონოებს ქმნის

სტარტაპი, რომლიც შესახებაც ახლა გიამბობთ, აშკარად გამორჩეულ, დახვეწილ და გემოვნებიან პროდუქტს ქმნის. ქალები სამოსს განსაკუთრებული ყურადღებით, არაერთი დეტალის გათვალისწინებით არჩევენ. უმაღლესი ხარისხის ნატურალური აბრეშუმის ქსოვილისგან დამზადებული მოდელები შეუძლებელია, მათთვის მიუღებელი იყოს.

ლანდა ვარდოსანიძე და ბელა ღლონტი ბრენდ “Cherchez la femme – ეძიე  ქალი”-ს დამაარსებლები არიან. ეს უკანასკნელი ჯერ მხოლოდ რამდენიმე თვეა, რაც არსებობს. შეთავაზების მიმართ მომხმარებლის დაინტერესებასა და ბრენდის სამომავლო გეგმებზე, “თბილისი თაიმსს” სწორედ დამფუძნებლები ესაუბრნენ.

„ჩვენ ვქმნით კაბა-ხალათებსა და კიმონოებს უმაღლესი ხარისხის ნატურალური აბრეშუმის ქსოვილისგან. მოდელები განკუთვნილია როგორც სტანდარტული, ასევე, ექსტრა ზომის მომხმარებლებისათვის. ყველა ქალი იმსახურებს საუკეთესოსს“.

როგორია ბრენდის შექმნის ისტორია?

ორი სრულიად განსხვავებული პროფესიის მეგობარი გავერთიანდით ერთი საერთო იდეის განსახორციელებლად – იდეა, რომელიც, შეიძლება ითქვას, ბავშვობის ოცნებებიდან მოდის. რამდენიმეთვიანი თავდაუზოგავი შრომის შედეგად, ბაზარზე გამოჩნდა ბრენდი ,,Cherchez la femme – ეძიე ქალი“, რომლითაც ჩვენ ძალიან ვამაყობთ. ჩვენ გვაქვს შორსმიმავალი გეგმები. ვმუშაობთ მამაკაცის ხაზის დამატებაზე. ასევე, ვგეგმავთ – ჩვენი ნაწარმი გავიტანოთ ქვეყნის ფარგლებს გარეთ. ქართული წარმოება გავხადოთ პოპულარული.

გაამართლა თქვენმა იდეამ?

გამომდინარე იქიდან, რომ ბრენდი ბაზარზე სულ რამდენიმე თვეა, არსებობს, თამამად შეგვიძლია – ვთქვათ, რომ ჩვენ შევძელით, დაგვეკავებინა ჩვენი ნიშა ქართულ სამომხმარებლო ბაზარზე. მოთხოვნა არის საკმაოდ მაღალი. ჩვენთვის პრიორიტეტულია, მომხმარებელს შევთავაზოთ ხარისხიანი პროდუქცია, საუკეთესო მომსახურება და დახვეწილი დიზაინის სამოსი.

წარმოების გაფართოებას თუ გეგმავთ?

როგორც ზემოთ ავღნიშნეთ, ჩვენ არ ვაპირებთ გაჩერებას და მუდმივად ვზრუნავთ  ბრენდის განვითარებაზე. ვმუშაობთ მამაკაცის ხაზის დამატებაზე, რომელიც გათვლილი იქნება მომხმარებლის ინტერესებზე.