“ისე, რა გადამწარდნენ…” – მამუკა მდინარაძე “ქართული ოცნების” საარჩევნო კლიპში მონაწილე ფეხბურთელების მიმართ კრიტიკაზე

საპარლამენტო უმრავლესობის ლიდერი, „ქართლი ოცნების“ აღმასრულებელი მდივანი მამუკა მდინარაძე სოციალურ ქსელში, “ქართული ოცნების” საარჩევნო კლიპში მონაწილე ფეხბურთელების მიმართ კრიტიკას ეხმაურება:

“ჯენზი თაობის წარმომადგენლის, ნაცებისგან ბავშვობა წართმეული თედო ბიტბუნოვის ბულინგის მცდელობის შემდეგ, ახლა სტარტს აღებინებენ ჩვენი გმირი ფეხბურთელების ბულინგის კამპანიას. აქაც მხოლოდ იმის გამო, რომ “ქართული ოცნების” კლიპში მიიღეს მონაწილეობა. სადაც უნდათ, იქ მიიღებენ მონაწილეობას და არავის კითხავენ. ამავე დროს კიდევ მრავალჯერ ასახელებენ თავის სამშოლოს და კიდევ ბევრჯერ ვიამაყებთ მათი გმირული თავდადებით და ბრძოლის ჟინით! მართლა უნდა დამთავრდეს ამ ქვეყანაში გოიმების მიერ ტრენდის შექმნის ილუზიები და ფაშისტური ბულინგის კამპანიები! ჩვენი გასაკეთებელია, ქართველ ხალხთან ერთად! ისე, რა გადამწარდნენ… ღმერთმა ყველა ჯანმრთელად ამყოფოს,” – წერს მამუკა მდინარაძე.