ფიფა გასული წლის საუკეთესო ფეხბურთელს დაასახელებს – სამეული ცნობილია

ფიფა-ს ვერსიით, მსოფლიოს 2013 წლის საუკეთესო ფეხბურთელი დღეს ციურიხში დასახელდება. სპეციალისტებმა საკუთარი არჩევანი უკვე გააკეთეს და საუკეთესო სამეული ასე გამოიყურება: ლიონელ მესი, კრიშტიანუ რონალდუ და ფრანკ რიბერი. გამარჯვებული ფიფა-ს წევრი ქვეყნების ეროვნული ნაკრებების მთავარი მწვრთნელებისა და კაპიტნების მიერ გამოვლინდება. უკვე ცნობილია, რომ საქართველოს ნაკრების კაპიტანმა ჯაბა კანკავამ საკუთარი არჩევანი ანდრეს ინიესტას სასარგებლოდ გააკეთა, თუმცა მისი რჩეული სამეულს მიღმა აღმოჩნდა. თემურ ქეცბაიამ კი პირველობა ფრენკ რიბერის მიანიჭა. ფიფა-ს გალა ღონისძიება ციურიხში თბილისის დროით 21:30 საათზე დაიწყება. ფიფა-ს რჩეულები 10-მდე ნომინაციაში გამოვლინდებიან. 14.01.14