ნინოწმინდის ბავშვთა პანსიონის ახალი ხელმძღვანელის, მეუფე იაკობის გადაწყვეტილებით, 40 აღმზრდელიდან პანსიონში მხოლოდ 19 დარჩება. მისივე თქმით, თუ რომელიმე მათგანის პასუხისმგებლობა გამოიკვეთება, ამას შესაბამისი რეაგირება აუცილებლად მოჰყვება.
ბავშვთა პანსიონის თემის გარშემო კიდევ ერთი სიახლეა. კონკრეტულად ეს საკითხი ეხება მეუფე იაკობისა და საქართველოს სახალხო დამცველის, ნინო ლომჯარიას შეხვედრას.
„ხვალ, 2021 წლის 17 ივნისს, 11 საათზე, საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტში ნინოწმინდის ობოლ და მზრუნველობამოკლებულ ბავშვთა პანსიონთან დაკავშირებით შედგება შეხვედრა ბოდბელ მთავარეპისკოპოს იაკობსა (იაკობიშვილი) და სახალხო დამცველ ნინო ლომჯარიას შორის.“- აღნიშნულ განცხადებას საქართველოს საპატრიარქოს საზოგადოებასთან ურთიერთობის სამსახური ავრცელებს.
მასალა მოამზადა: თორნიკე ყრუაშვილმა