თბილისში, საცოლის მიერ მოკლულ ლუკა დარასელიას გლოვობენ.
„ვაი, შენს დედას, ლუკა… რა დღეშია, ნეტა იცოდე… ვიზიარებ ყველას მწუხარებას, უფალმა ნათელი და სანთელი არ მოაკლოს მის სულს“;
„რა უბედურებაა, ვაი დედაშენს და გამზრდელ ბებიას. სიბერეში როგორ გაამწარე…“;
„ნათელი და სანთელი შენს უბოროტო სულს, ლუკა, რატომ, ღმერო…“;
„დედას შვილი არ უნდა უკვდებოდეს და შენ კი ჩემო გოგო, ინგა, ამ სიმწარისთვის მენანები. შენ საოცარი დედა და მეგობრობა შეგეძლო. როგორ მტკივა, ვიზიარებ…“ – წერენ მოკლულის ახლობლები.
შინაგან საქმეთა სამინისტროს ცნობით, გამოძიებით დადგინდა, რომ ბრალდებულმა მიმდინარე წლის 22 აგვისტოს, თბილისში, საცხოვრებელ ბინაში, ურთიერთშელაპარაკების ნიადაგზე მეუღლეს – 2003 წელს დაბადებულ ლ.გ.-ს, ცივი იარაღით სასიკვდილო ჭრილობა მიაყენა.
ბრალდებულის დედა ამბობს, რომ ბიჭმა დანა თვითონ ჩაირტყა და თეკლა მის გადარჩენას ცდილობდა.
„ერთად არ ცხოვრობდნენ. ამ ბიჭს უყვარდა ძალიან და ცდილობდა ერთად ყოფილიყვნენ. თეკლა წინააღმდეგი იყო. მერე ისე მოხდა, რომ ხელი მოაწერეს…
თეკლა საზღვარგარეთ აპირებდა წასვლას და პასპორტიც კი წაართვა, მის ნივთებში ამოიღეს თეკლას პასპორტი. ეუბნებოდა, რომ თავს მოვიკლავო, ხან ხელებს ისერავდა. სადარბაზოში თვითონ მიიყენა დაზიანებები ერთ-ერთი ჩხუბის და მუქარის დროს. თვითონ ჩაირტყა დანა და თეკლამ გამოაძრო ეს დანა. მერე თეკლა გავარდა, მიჰყავდა მხარზე აკიდებული. გავარდა გარეთ, სასწრაფო მოიყვანა და კლინიკაშიც კი გაჰყვა, მის გადარჩენას ცდილობდა“,- ამბობს ტიკტოკერის დედა „ტვ პირველთან“ საუბრისას.
