საერთაშორისო სავალუტო ფონდის ხელმძღვანელმა(სსფ) კრისტინ ლაგარდმა დავოსის მსოფლიო ეკონომიკური ფორუმის ფინალურ დღეს განაცხადა, რომ ევროზონაში ეკონომიკური აღდგენისათვის მთავარ საფრთხეს დეფლაცია წარმოადგენს. ამის შესახებ ბი–ბი–სი იუწყება.
მიუხედავად იმისა რომ ეკონომიკური აღდგენის ნიშნები მთელ მსოფლიოში შეიმჩნევა, ლაგარდის აზრით, არ ღირს პოტენციური რისკების იგნორირება. სსფ–ის აღმასრულებელი დირექტორის აზრით, ერთ–ერთ ასეთ რიკს წარმოადგენს, ის ფაქტი, რომ ინფლაციის დონე ევროზონაში, რომელიც დღეისათვის 0,8%–ია, არის „მნიშვნელოვნად დაბალი“, ვიდრე აუცილებელი 2%–იანი დონე, რომელიც თავის მხრივ ევროპის ცენტრალური ბანკის (ეცბ) მიერ მიღებულ „ეკონომიკის აღდგენის გეგმაშია“ ჩადებული. და დეფლაციას შეუძლია სერიოზულად დააზიანოს ეკონომიკის ზრდა, რამეთუ აქტივების ღირებულება და ფასები ვარდნას განაგრძობს.
როგორც ლაგარდმა განაცხადა, არსებობს როგორც ძველი ისე ახალი რიკები. ძველი რისკებს მიეკუთვნება ისეთი საკითხები, როგორიცაა ეკონომიკების გადაწყობის და საბანკო სექტორის რეფორმირების უუნარობა, ხოლო ახალ რისკებში შედის იმ ეკონომიკების პრობლემები, სადაც ინფლაციის დონე მისაღებთან შედარებით მნიშვნელოვნად დაბაევროპის ცენტრალური ბანკის (ეცბ) პრეზიდენტმა მარიო დრაგიმ დავოსში კონფერენციის მსვლელობისას განაცხადა, რომ დღეისათვის ევროზონაში ინფლაცია დაბალ დონეზეა და, სავარაუდოდ, ასეთი დარჩება ორი წლის განმავლობაში. „რაც უფრო დიდხანს იქნება ინფლაცია დაბალი, მით უფრო დიდია დეფლაციის რისკი“ – აღნიშნა ეცბ–ის პრეზიდენტმა.
შეგახსენებთ, რომ რამდენიმე თვის წინ, სავალუტო ფონდმა დეფლაციის აღსაკვეთად და ზომიერი ინფლავის სტიმულირებისათვის ზომების გატარების აუცილებლობის შესახებ რეკომენდაცია საქართველოსაც მისცა.
27.01.14
