მსოფლიოს სამ კონტინეტზე მთელი კვირის განმავლობაში ხელისუფლებასა და მოსახლეობას შორის დაპირისპირებამ პიკს მიაღწია. ევროპის კონტინენტზე, კიევში საპროტესტო აქციებს ათობით ადამიანი ემსხვერპლა, ანტისამთავრობო დემონსტრაციებია ამერიკის და აზიის კონტინენტებზეც.
სამხრეთ აზიაში, ტაილანდის დედაქალაქ ბანგკოკში საპროტესტო აქციებზე მოსახლეობა პრემიერ მინისტრის, ინგლუკ შინატავრას გადადგომას მოითხოვს. მოსახლეობის განცხადებით, მინისტრი მისი მილიარდელი ძმის, თაკსინ შინატავრას მარიონეტია და მის ბრძანებებს ემორჩილება, ეს უკანასკნელი რამდენიმე წლის წინ ტაილანდის პრემიერ მინისტრი იყო და მოსახლეობის მოთხოვნის შემდეგ თანამდებობიდან გადადგა, გარდა ამისა იგი ტაილანდიდან გააძევეს და სასამართლომ ქვეყანაში დაბრუნება აუკრძალა.
ოპოზიციის წარმომადგენლები ტაილანდში არსებული ურბანული ელიტის და საშუალო კლასის წარმომადგენლები არიან. ისინი მოითხოვენ პრემიერის გადადგომას და „სახალხო საბჭოს“ დროებით მმართველობას, მათ სჯერათ,რომ საბჭო საარჩევნო და პოლიტიკურ ცვლილებებს ისე განახორციელებს, როგორც ეს ხალხს სურს.
საპროტესტო აქციები ბანგკოკში, ჯერ კიდევ, ნოემბერში დაიწყო, როდესაც ამჟამინდელმა პრემიერ მინისტრმა ამინისტიის საშუალებით განიზრახა თავისი ძმის დაბრუნება ტაილანდში და მისი ჩართვა აქტიურ პოლიტიკაში.
18 თებერვალს, სამშაბათს ანტისამთავრობო დემონსტრანტებსა და პოლიციას შორის შეტაკება მოხდა, დაიღუპა რამდენიმე ადამიანი. ინგლუკ შინატავრა გადადგომაზე უარს აცხადებს. მას ნაადრევი არჩევნების დანიშვნა სურს, ოპოზიცია კი არჩევნებს ბოიკოტით ემუქრება.
რაც შეეხება სამხრეთ ამერიკას, ვენესუელაში მოსახლეობა მოითხოვს ხელისუფლებისგან უსაფრთხოების დონის ამაღლებას და სიტყვისა და პრესის თავისუფლებას. ქვეყანაში წარმოქმნილ ეკონომიკურ და უსაფრთხოების პრობლემებზე ოპოზიცია პასუხისმგებლობას ხელისუფლებას და პრეზიდენტ, ნიკოლა მადუროს აკისრებს.
დემონსტრაციებზე მრავლად არიან სტუდენტები. მათ კვირის დასაწყისში შეუერთდნენ სხვა პოლიტიკური ძალებიც. საპროტესტო აქციები სტუდენტების ინიციატივით 12 თებერვალს დაიწყო. მსოფლიო ყურადღების ქვეშ ვენესუელა მას შემდეგ მოექცა, როდესაც პოლიციასა და ხალხს შორის შეტაკების შედეგად სამი ადამიანი დაიღუპა.
ამ კვირაში ოპოზიციური ძალების ლიდერი, ლეოპოლდო ლოპეზი ხელისუფლების წარმომადგენლებმა მკვლელობებსა და ტერორისტული აქტის განხორცილების მცდლეობაში დაადანაშაულეს . ლოპეზმა აღნიშნული ბრალდება უარყო. მადურომ თავის ოფიციალურ განცხადებაში ოპოზიციურ ძალები შეადარა გადამდებ, სასიკვდილო ინფექციას,რომელსაც სასწრაფო შეჩერება სჭირდება.
მსოფლიოს ყურადღება დღესდღეობით ყველაზე მეტად უკრაინისკენაა მიმართული. ვინ არის უკეთესი ეკონომიკური მოკავშირე, ევროპა თუ რუსეთი? ესაა ის საკვანძო საკითხი,რომლის გამოც კიევის ქუჩებში საპროტესტო აქციები იმართება.
დემონსტრანტები ხელისუფლებისგან ევროპასთან მჭიდრო კავშირის დამყარებას და პრო–რუსული კურსისგან გადახვევას მოითხოვენ. თუმცა, გარდა ამისა ოპოზიციური ძალების მთავარ მოთხოვნად რჩება პრეზიდენტ, ვიქტორ იანუკოვიჩის გადადგომა და ახალი, ვადამდელი არჩევნების დანიშვნა. მოსახლეობა აქტიურად აპროტესტებს იანუკოვიჩის გადაწყვეტილებას ევროკავშირთან დადებულ სავაჭრო ხელშეკრულებასთან დაკავშირებით. ისინი აცხადებენ,რომ ცალსახაა პრეზიდენტის სურვილი,რომ ჰქონდეს უკრაინას მჭიდრო კავშირი რუსეთთან, რაც მოსახლეობის ევროპულ არჩევანს ეწინააღმდეგება.
პოლიციასა და დემონსტრანტებს შორის დაპირისპირება ამ წუთებშიც გრძელდება, ოფიციალური ცნობით, 25–ზე მეტი ადამიანია დაღუპული.
19.02.14
ნათია კეკენაძე
წყარო : CNN
.
