საქართველოს პარლამენტი ევროკავშირთან ასოცირების ხელშეკრულების რატიფიცირებას 18 ივლისს მოახდენს. პარლამენტის რიგგარეშე სხდომის მოწვევის თხოვნით პარლამენტის თავმჯდომარე დავით უსუფაშვილი პრეზიდენტს უახლოეს დღეებში მიმართავს.
როგორც უსუფაშვილმა დღეს ჟურნალისტებს განუცხადა, სარატიფიკაციო დოკუმენტი მთავრობიდან პარლამენტს დღეს ნ ხვალ წარედგინება.
მომავალი კვირის განმავლობაში, 15, 16, 17 ივლისს დაგეგმილია საკომიტეტო მოსმენები, ხოლო 18 ივლისის რიგგარეშე სხდომაზე მოხდება დოკუმენტის რატიფიცირება.
ამასთან, დავით უსუფაშვილმა აღნიშნა, რომ გამორიცხული არ არის, ამ დღეს საქართველოში მაღალი დონის სტუმრები ჩამოვიდნენ.
ამასთან, ევროკავშირსა და საქართველოს შორის ასოცირების ხელშეკრულებს პოლონეთის პარლამენტის მიერ რატიფიცირებას გამოეხმაურა პოლონეთის პარლამენტის თავმჯდომარე ბოგდან ბორუშევიჩი, რომელიც თბილისში იმყოფება და დღეს დავით უსუფაშვილს შეხვდა.
მისი თქმით, ამ თვალსაზრისით პოლონეთის პარლამენტში არავითარი პრობლემა არ არსებობს და მას შემდეგ, რაც საგარეო უწყება პარლამენტს სარატიფიკაციო ტექსტს მიაწვდის, უმოკლეს ვადაში მოხდება მისი რატიფიცირება.
“პოლონეთი ერთ-ერთი პირველი ქვეყანა იქნება, ვინც ხელშეკრულების რატიფიცირებას მოახდენს”, – განუცხადა ჟურნალსიტებს პოლონეთის სენატის მარშალმა ბოგდან ბორუსებიჩმა.
09.07.14