XXI საუკუნეში დრო თითქოს კიდევ უფრო სწრაფად გადის, ყველას სადღაც ეჩქარება, ყველა ცდილობს სწრაფად გადაადგილდეს, ამისათვის კარგია თუ საკუთარი ავტომობილი გყავს, თუმცა სწრაფი გადაადგილების ალტერნატიური საშუალებაც არსებობს, ეს ტაქსებია, რომლებიც ასე მომრავლდნენ ჩვენი დედაქალაქის ქუჩებში. ტაქების ყველა მგზავრს კი სწრაფად, იაფად და კომფორტულად მგზავრობა სურს. თუ როგორ ემსახურებიან სხვადასხვა კომპანიები მგზავრებს, მომსახურება და მგზავრობა რამდენად, კვალიფიციური და უსაფრთხოა, ამის გასაგებად „თბილისი თათიმსი“ დღეს არსებული ტაქსების რამოდენიმე კომპანიას გაესაუბრა.
ტაქსი 5: „ჩვენ მძღოლებს ვთხოვთ მართვის მოწმობის, პირადობის მოწმობის წარმოდგენას. ასევე ვამოწმებთ მათ ნასამართლეობას და იმყოფებიან თუ არა აღრიცხვაზე, ასევე ჯარიმები აქვთ თუ არა, მათი მანქანები უნდა იყოს გამართული, ასევე შიგნით სისუფთავე უნდა იყოს, რომ მგზავრს ჩაჯდომა არ გაუჭირდეს. მძღოლის აყვანის შემდეგ მათ სისტემატიურად ვამოწმებთ, გვყავს იმდენი ბრიგადირი რამდენი მძღოლიცაა და ყოველ კვირას ვმართავთ თათბირს, იქ განვიხილავთ მგზავრებს ქონდათ თუ არა რაიმე სახის პრეტენზიები ან პრობლემები. ჩვენი მაქნანების გამოძახება ასევე შეიძლება Skype-ის საშუალებითაც. რაც შეეხება ოპერატორებს, სასურველია გამოცდილნი იყვნენ, წინააღმდეგ შემთხვევაში ისინი სტაჟირებას ჩვენთან გაივლიან. ხშირირად გვაქვს სარეკლამო რგოლები, ვცდილობთ რომ მაქსიმალურად დაბალი ფასები დავაწესოთ და თავი დავიმკვიდროთ ადგილობრივ ბაზარზე, მიუხედავად იმისა, რომ თითქმის ყველა კომპანიას კონკურენტად მივიჩნევთ.“
ნოსტალგია: „ჩვენი კომპანიისაგან მძღოლები ქირაობენ ავტომობილებს და რაციებს, ეს ავტომობილები გადამოწმებულ მდგომარეობაში გადაეცემათ მათ, ამიტომ ჩვენს კომპეტენციაში არ შედის მძღოლების შემოწმება და მათი შემდგომი მონიტორინგი. რაც შეეხება ოპერატორებს განცხადებები იდება Jobs.ge-ზე, რომ კომპანიას ესაჭიროება ოპერატორი, ისინი უნდა იყვნენ სხარტები და კარგად უნდა იცოდნენ ქართულად წერა, მხოლოდ ამის შემდეგ ხდება მათი სამსახურში მიღება. ჩვენი კლიენტების ვინაობა და რაოდენობა კონფიდენციალურია. სხვა კომპანიებისაგან გამოვირჩევით დაბალი ფასებით, ამიტომ არც ერთ კომპანიას არ მივიჩნევთ კონკურენტად.“
დავინი: „ჩვენ გვაკითხავენ მძღოლები საკუთარი მანქანებით, ის მანქანები, რომლებიც აგვყავს უნდა მუშაობდეს გამართულად. ავტომობილები კი ძირითადად მერსედესის მარკისაა. ავტომობილის შემოწმების შემდეგ, ხდება მძოლებთან გასაუბრება, მათ ესაუბრება ფსიქოლოგი. აყვანის შემდეგ თავად მენეჯერი ანუ მე ვაკონტროლებ მძღოლებს, ასევე მე დავდივარ ტაქსით, ვესაუბრები კლიენტებს და ამავდროულად ყველა კლიენტს აქვს ჩემი ნომერი. ყველას შეუძლია დარეკოს და გამოთქვას პრეტენზია, გვითხრან მძღოლი ნასვამი იყო, მომსახურეობა არ მომეწონა და ა.შ. დღეში საშუალოდ 300 კლიენტი გვყავს, ასევე ვემსახურებით VIP კლიენტებსაც, რომლებიც ძირითადად სხვადასხვა კომპანიები არიან. ჩვენს კომპანიაში ოპერატორები, რომ მივიღოთ ამისათვის ისინი უნდა ფლობდნენ ინგლისურ და რუსულ ენებს, კარგად უნდა იცნობდნენ ქალაქს. მიღების შემდეგ ოპერატორები თავად კომპანიაში გადიან პრაქტიკას. 8 თვეა რაც ჩვენი კომპანია ბაზარზე შემოვიდა და გვაქცს დაბალი ფასები, კარგი მომსახურეობა და გამართული მანქანები. რაც შეხება კონკურენციას, ტაქსების ყველა კომპანია მიგვაჩნია კონკურენტად.“
ომეგა ტაქსი: „ჩვენი კომპანია 2005 წლიდან არის ბაზარზე და აქედან მოყოლებული საკმაოდ ბევრი კლიენტი გვყავს და მათი რიცხვი დღითიდღე იზრდება. ვემსახურებით არა მარტო ქართველ კლიენტებს არამედ უცხოელებსაც. მძღოლების აყვანა ჩვენს კომპანიაში გასაუბრებით ხდება, ისინი ასევე გადიან ნარკოლოგიურ შემოწმებასაც, გვაქვს GPS სისტემა, ამიტომ კონტროლდება მძღოლების ყოველი გადაადგილება, ასევე ყოველ კვირას მოწმნდება როგორც მანქანების გამართულობა ასევე სისუფთავე. ოპერატორების მისაღებად ჩვენ ვაქვეყნებთ განცხადებებს. ისინი უნდა იყვნენ კომუნიკაბელურები, უნდა იცოდნენ ენები და სასურველია ქონდეთ სამუშაო გამოცდილება. რაც შეეხება ჩვენს ნიშას, ჩვენს კომპანიას არასოდეს ვუკეთებთ რეკლამას, ჩვენი მომსახურების ხარისხს ყოველთვის საქმით ვამტკიცებთ. არც არავის კონკურენტად ვთვლით თავს და არც არავის მივიჩნევთ კონკურენტად“
„თბილისი ტაქსი“: „ჩვენ თავიდან დიდი კომპანია ვიყავით, თუმცა მოხდა ჩვენი დაშლა, მძღოლები შემორჩენილი გვყავს ძველი კომპანიიდან, ამიტომ მათ საკმაო გამოცდილება აქვთ. სულ 17-18 მანქანა გვყავს, მგზავრებთან პირადად ვსაუბრობ და ვამოწმებ კმაყოფილნი არიან თუ არა ჩვენი მომსახურეობით. ამ პერიოდში დღეში საშუალოდ 60-10 კლიენტი გვყავს, სხვა დროს მათი რაოდენობა 100-ზე ადის. ჩვენ სხვა კომპანიებთან შედარებით შიძლება 1-2 ლარით მაღალი ფასები გვაქვს, მაგრამ მათგან განსვავებით ჩვენი მძღოლები შორეულ გამოძახებაზეც მიდიან. მაგალითად შიძლება კლენტი იყოს გლდანში და ჩვენი მძღოლი რუსთაველიდან წავიდეს, ხოლო სხვა კომპანიები გამოძახების ადგილთან ახლოს თუ არა არიან გამოძახებაზე ან აგვიანებენ ან საერთოდ არ მიდიან. რაგდან პატარა კომპანიაა ოპერატორებიც არ გვყავს და მხოლოდ მე ვპასუხობ შემოსულ ზარებს. რაც შეეხება კონკურენციას, ყველა კომპანიას ჩვენს კონკურენტად ვთვლით“
მწვანე ტაქსი: „მძღოლების მიღება ხდება გასაუბრებით, ასევე მოწმდება მანქანის სისუფთავე, ნარკოლოგიურ შემოწმებას არ ვითხოვთ, ვამოწმებთ მართვის მოწმობას. საშუალოდ 70-80 კლიენტი გვყავს დღეში და მძღოლების მომსახურების მონიტორინგის მიზნით თავად ვესაუბრებით მგზავრებს. ოპერატორებიც ასევე გასაუბრებით აგვყავს, მათ დირექტორი ესაუბრება, ისინი უნდა ფლობდნენ ინგლისურ და რუსულ ენებს. ჩვენ გამოვირჩევით იმით, რომ ჩვენი ავტომობილები მრიცხველით მოძრაობენ, ამიტომ მგზავრობა ძალიან იაფი ჯდება, თუმცა საქართველოში ეს ახალი პრაქტიკაა და მგზავრები უპირატესობას მაინც მრიცხველის გარეშე მზავრობას ანიჭებენ. ყველა ტაქსების კომპანიას კონკურენტად მივიჩნევთ“
ბედაური: „ჩვენ მძღოლებიც და ოპერატორებიც გასაუბრებით აგვყავს, საჭიროა მძღოლს ქონდეთ გამოცდილება, ასევე ისინი გადიან ნარკოლოგიურ შემოწმებასაც. დღეში საშუალოდ გვყავს 1200-1300 კლიენტი. ჩვენი მძღოლების მომსახურეობას ყოველთვის ვამოწმებთ, ვეკითხებით მგზავრებს კმაყოფილნი არიან თუ არა. რაც შეეხევა VIP კლიენტებს, მათთან ხელშეკრულებას არ ვაფორმებთ. ჩვენ გამოვირჩევით ხარიხხიანი მომსახურებით და კარგი მანქანებით, ამიტომ კონკურენტიც არ გვყავს.“
31.03.14
ანო მუქათარიძე
