თურქეთში არეულობით დასრულდა ოპოზიციის მიერ ორგანიზებული აქცია. ანკარაში ათასობით ადამიანი ცენტრალური საარჩევნო საბჭოს შენობასთან შეიკრიბა.
ისინი ამბობდნენ, რომ ქვეყანაში ჩატარებული მუნიციპალური არჩევნების შედეგები გაყალბებულია და ხმების ხელახლა დათვლას ითხოვდნენ.
დემონსტრაციების დასაშლელად სამართალდამცველებმა წყლის ჭავლი და ცრემლსადენი გაზი გამოიყენეს. ინფორმაცია დაშავებულების შესახებ არ ვრცელდება.
თავად ქვეყნის პრემიერი აცხადებს, რომ არჩევნების შედეგები არ გაყალბებულა და ოპოზიციას დესტაბილიზაციის მოწყობის მცდელობაში ადანაშაულებს.
არჩევნების შედეგები თურქეთში ოფიციალურად არ გამოცხადებულა. უკანასკნელი ინფორმაციით, დათვლილია ხმების 98 პროცენტი და ამომრჩეველთა 45 პროცენტი მხარს მოქმედი პრემიერის რეჯეპ ტაიპ ერდოღანის პარტიას უჭერს.
02.04.14
