სურსათის ეროვნული სააგენტოს თბილისის საქალაქო და კახეთის რეგიონული სამმართველოების წარმომადგენლებმა თბილისსა და თელავში ვადაგასული სურსათი ამოიღეს და ეტიკეტირების წესის დარღვევისა და ბიზნესოპერატორად რეგისტრაციის გარეშე საქმიანობისათვის რამდენიმე მეწარმე დააჯარიმეს.
თბილისში, მიცკევიჩის ქუჩაზე მდებარე შპს “დიმარიას” მარკეტიდან ამოღებულია ვადაგასული კარაქი, საკონდიტრო ნაწარმი, სხვადასხვა სახეობის ძეხვი; გამოვლინდა ასევე ეტიკეტირების წესის დარღვევა, რის გამოც, სურსათის/ცხოველის საკვების უვნებლობის, ვეტერინარიისადა მცენარეთა დაცვის კოდექსის 741 მუხლის თანახმად, ბიზნესოპერატორი დაჯარიმდა 400 ლარით, ვადაგასული სურსათი კი განადგურდა. ძეხვი, ხილის ჯემი, კარაქი, შერეული ფარში ამოიღეს გოძიაშვილის ქუჩაზე მდებარე შპს “გიოდანაც”; სხვადასხვა დარღვევა გამოვლინდა ამავე ქუჩაზე მდებარე რამდენიმე მარკეტში – ი/მ “ტარიელ კენჭიაშვილი”, ი/მ “ირა ძიმისტარიშვილი” და ი/მ “ნინო კუხალაშვილი” კვების პროდუქტების ბიზნესოპერატორად რეგისტრაციის გარეშე საქმიანობისათვის 300-300 ლარით დაჯარიმდნენ. ეტიკეტირების წესის დარღვევა გამოვლინდა შპს “პრიმაგარანტში”.
კახეთის რეგიონული სამმართველოს თანამშრომლებმა ვადაგასული იოგურტი, კარაქი, უალკოჰოლო სასმელი, კვერცხი, ტომატ-პასტა, შოკოლადის ასორტი ამოიღეს თელავში – ი/მ “ზაზა მოდებაძისა” და ი/მ “ნოდარ წულუკიძის” მაღაზია “დელფინიდან”. ი/მ “ზაზა მოდებაძე” ეტიკეტირების წესის დარღვევისთვის 400 ლარით დაჯარიმდა.
11.04.14
