საქართველოს 2015 წლის გაზაფხულამდე გერმანიის კანცლერი ანგელა მერკელი ეწვევა. ამის შესახებ “თბილისი თაიმსს” საქართველოს პრემიერ-მინისტრის პრესსამსახურიდან აცნობეს.
მათივე ინფორმაციით, ფედერალური რესპუბლიკის კანცლერი საქართველოს პრემიერ-მინისტრ ირაკლი ღარიბაშვილის მიწვევას დღეს დათანხმდა.
საქართველოს მთავრობის მეთაურთან საუბრისას ანგელა მერკელმა ასევე გამოთქვა სურვილი, უახლოეს მომავალში გაიმართოს საქართველო-გერმანიის ეკონომიკური ფორუმი, რაც ორი ქვეყნის ეკონომიკური თანამშრომლობის გაღრმავებას შეუწყობს ხელს.
02.06.14
