შინაგან საქმეთა სამინისტრომ დაუყოვნებლივ გამოძიება დაიწყო თბილისში, ფონიჭალაში, “ერთიანი ნაციონალური მოძრაობის” ოთხი მხარდამჭერის ცემის ფაქტზე. გამოძიება სისხლის სამართლის კოდექსის 125-ე მუხლით მიმდინარეობს, – ამის შესახებ შსს-ს განცხადებაშია ნათქვამი.
როგორც სამინისტროში აცხადებენ, მიმდინარეობს ყველა აუცილებელი და კანონით გათვალისწინებული საგამოძიებო ღონისძიება დანაშაულის ჩამდენი პირების დადგენა-დაკავების მიზნით.
“თუმცა, აღსანიშნავია, რომ დაზარალებულები, “ერთიანი ნაციონალური მოძრაობის” მხარდამჭერები არ თანამშრომლობენ გამოძიებასთან”, – აღნიშნულია სამინისტროს განცხადებაში.
შინაგან საქმეთა სამინისტრო მოუწოდებს ყველას, მათ შორის, არჩევნებში
მონაწილე პოლიტიკურ პარტიებს, თავი შეიკავონ პროვოკაციული ქმედებებისგან.
“ხაზგასმით აღვნიშნავთ, რომ თითოეულ სამართალდარღვევის ფაქტზე სამინისტრო რეაგირებას ოპერატიულად, კანონით დადგენილი ნორმების შესაბამისად მოახდენს”, – აცხადებენ შსს-ში.
15.06.14
