რობერტ კიოსაკი ფენომენი, რომელმაც განვლო გზა უკიდურესი სიღარიბიდან მილიონერობამდე. არის რამდენიმე ბესტსელერის ავტორი. მისი თამაში cash flow 101 დღეს მთელს მსოფლიოში პოპულარობით სარგებლობს. თამაში ნებისმიერი პროფესიისა თუ ასაკის ადამიანს ასწავლის, თუ როგორ გახდეს წარმატებული და მიაღწიოს ფინანსურ კეთილდღეობას, თუ როგორ უნდა ავიმაღლოთ ფინანსური ინტელექტი, ავიხდინოთ ოცნებები, ღარიბ და საშუალო ფენიდან მდიდართა ფენაში გადავინაცვლოთ და საერთოდ, თუ როგორ უნდა ვმართოდ სწორად და მიზანმიმართულად ჩვენი ფინანსები. თამაშის არსზე ”თბილისი თაიმსს” წარმატების აკადემიის დირექტორი მაია ხავთასი ესაუბრა.
ქალბატონო მაია, მოუყევით ჩვენს მკითხველს რობერტ კიოსაკის ფენომენის შესახებ. რა გზა განვლო მან, როგორ შეძლო უსახლკარობიდან მილიონერობისთვის მიეღწია?
რობერტ კიოსაკი არის იაპონელი წარმოშობის ამერიკელი ბიზნესმენი, რომელმაც დაწერა ბიზნესთან დაკავშირებული არაერთი წიგნი, თვითონ არის უძრავი ქონების ინვესტორი და ძირითადად მისი ბიზნესი უძრავ ქონენებასთან არის დაკავსირებული და იგი გვაძლევს ისეთ რჩევებს, როგორიც არის პრაქტიკაში უკვე განვლილი, მან უკვე მიაღწია ცხოვრებაში სერიოზულ ეტაპებს.
რეალურად კიოსაკი გვაძლევს რჩევებს თავისი ცხოვრებიდან თუ როგორ შეიძლება მივაღწიოთ წარმატებებს. რა არის კიოსაკის მიერ შექმნილი თამაშის cash flow 101 მიზანი და საერთოდ როგორ დაიბადა ამ თამაშის შექმნის იდეა?
cashflow არის სამაგიდო თამაში, კიოსაკმა ის შეადგინა იმ დატვირთვით, რომ ადამიანები ფსიქოლოგიურად თამაშით უფრო მეტს სწავლობენ, ვიდრე ნებისმიერი ლექციიდან თუ ტრენინგიდან, ამიტომ ადამიანებს, რომლებიც არ არიან პროფესიით ფინანსისტები, თამაშით ბევრად უმარტივდებათ ამ თემატიკის სწავლა. ჩვენ უკვე ექვსი ლექცია ჩავატარეთ და არ მინახავს ადამიანი, ვისაც გაჭირვებოდა მისი შესწავლა, ასე, რომ კიოსაკმა ძალიან ძლიერი თამაში გვაჩუქა. თამაშის იდეა დაიბადა იქიდან, რომ ყველა ადამიანი თავის ცხოვრებას იწყებს რუტინაში, ვიღვიძებბთ, მივდივართ სამსახურში, ვბრუნდებით სახლში, ეს არის მუდმივი განუწყვეტელი პროცესი და რეალურად შემოსავალი არ იცვლება, მაგრამ იზრდება მოთხოვნილებები, რომლებსაც ჩვენი შემოსავალი ვერ აკმაყფილებს. იმისათვის, რომ ვისწავლოთ ბიზნესის კეთება და მივაღწიოთ კეთილდღობას, ამისათვის არის დაყოფილი ეს თამაში ორ ეტაპად, ღარიბებისა, საშუალო ფენის ეტაპად და მდიდრების ფენად. თამაში იდეურად არის ბიზნეს სიმულაცია, ყველაფერი რელურ ცხოვრებასთან ძალიან ახლოსაა, თამაშში ისევე როგორც რეალურ ცხოვრებაში, შეიძლება შეგეძინოს ბავშვი და გაგეზარდოს ხარჯები,გქონდეს ხელფასის დღე, დაკარგო სამსახური და ა.შ. თამაშში გეძლევა შესაძლებლობა შეიძინო მცირე ბიზნესი, გააკეთო დანაზოგი, მოახდინო ინვესტირება მცირე აქციებში ან ოქროში, ეს თამაში გვასწავლის იმას, რომ შესაძლოა მცირედითაც დაიწყო და იქვე ვხედავთ თუ როგორ ვაღწევთ წარმატებას და დღითიდღე როგორ ვხდებით უფრო და უფრო წარმატებული. თამაშის მთავარი მიზანი არის ის, რომ ნებისმიერი პროფესიის ადამიანმა აიმაღლოს ბიზნეს ინტელექტი, იმისათვის, რომ შეძლოს საკუთარი ფინანსების მართვა და სწორად განაწილება.
მოგვიყევით თამაშის არსსა და წესებზე? ვის აქვს უფლება ითამაშოს , როგორ შეუძლიათ სერთიფიკატის მოპოვება თამაშით დაინტერესებულ პირებს?
თამშის წესი ასეთია – ყველა თავიდან ვიწყებთ ჩვენი ოცნების არჩევით, ყველას გვაქვს ოცნება, რომელიც მიუღწევლად მიგვაჩნია და ეს თამაში გვაძლევს შესაძლებლობას განვახორციელოთ ჩვენი ოცნებები. ვირჩევთ მაგალითად მსოფლიოში მოგზაურობას, რომელიც მდიდართა ფენაში მდებარეობს, ჩვენი მიზანია გავარღვიოთ ყოველდღიური რუტინა, ღარიბი და საშუალო ფენიდან გადავიდეთ მდიდართა ფენაში, ეს არის მთლიანი არსი, რომელიც გასდევს ამ თამაშს. თამაშის საშუალება აქვს ნებისმიერი განათლების მქონე ადამიანს, წარმატების აკადემია ტრენინგის გავლისა და თამაშის შემდეგ ანიჭებს მონაწილეს სერთიფიკატს. ტრენინგის ღირებულება არ არის ძვირი, ვცდილობთ იყოს ხელმისაწვდომი ყველასთვის, ტრენინგის ღირებულება არის 118 ლარი, ვაკეთებთ ფასდაკლებებს, ფასდაკლებით ტრენინგის ღირებულებაარის 79 ლარი, ფასში შედის ტრენინგ-ცენტრის მოსმახურება და coffe break.
როგორ მოხდა საქართველოში თამაშის სერტიფიკატის მიღება და როგორია დაინტერესება cashflow 101-ის მიმართ, ძირითადად ვინ ინტერესდება?
მ ე პირადად ბევრი მსმენია რობერტ კიიოსაკიზე, მანამდე სანამ თამაშის შესახებ გავიგებდი, კიოსაკის წიგნები ექვსი წელია უკვე ბესთსელერია ნიუ-იორკში, წარმოიდგინეთ რა დონეზე კარგი წიგნი უნდა დაწერო, რომ ამერიკაში ექვსი წლის მანძილზე შენი წიგნი ყველაზე პოპულარული იყოს. მისი წიგნები ცნობილია მსოფლიოს თითქმის ყველა ქვეყანაში. ბევრი ბიზნესმენი თვლის, რომ რობერტ კიოსაკი ფინანსებსა და ინვესტიციებში გენიოსია. პირველად მისი წიგნი ”მდიდარი მამა ღარიბი მამა” წავიკითხე რუსულად ინტერნეტში, შემდეგ გამიჩნდა სურვილი კიოსაკის სხვა წიგნებიც წამეკითხა, ამის შემდეგ გავიგე, რომ კიოსაკმა შექმნა თამაში, რომელიც ინტერნეტითაც ითამაშება და ვთამაშობდი, ოღონდ ინტერნეტის საშუალებით, ჩემი პარტნიორი ხვიჩა მებონიაც აღფრთოვანებული იყო კიოსაკის ფენომენით, შევაჯერეთ ჩვენი ცოდნა და გადავწყვიტეთ, რომ ეს ყველაფერი გამოგვეყენებინა ტრენინგის მასალად, კიოსაკის კომპანიიდან გამოვიწერეთ და ჩამოვიტანეთ თამაშის ორიგინალი ვერსია, რომელიც ვთარგმნეთ რუსულ ენაზე, მალე ქართულადაც გამოვა ეს ყველაფერი. მინდა გითხრათ, რომ დაინტერესება საკმაოდ მაღალია, გამომდინარე რობერტ კიოსაკის პიროვნებიდან, ვინც ჩვენს ტრენინგზე თამაშსს მოიგებს კიოსაკის წიგნს გადავცემთ საჩუქრად.
თუ თამაშობენ კიოსაკის მიერ შექმნილ თამაშს საზოგადოებისთვის ცნობილი სახეები?
თამაშით ძირითადად ინტერესდებიან მცირე მეწარმეები, ბიზნესის მქონე ხალხი და თვითგანვითარებაზე ორიოენტირებული ადამიანები. რაც შეეხება ცნობად სახეებს, ყოფილა შემთხვევა ეთამაშათ კომპანიების PR მენეჯერებს, ითამაშა ასევე ნინო ვარდოსანიძემ, მაკო ჯავრიშვილმა, ჯერჯერობით სხვების მხრიდან დაინტერესება არ წამოსულა. ვფიქრობ, რომ ჯერ კიდევ არ არის ეს ინფორმაცია გავრცელებული. 
რა გეგმები გაქვთ მომავალში? გახდება თუ არა ის ხელმისაწვდომი ფართო წრეებისთვის?
ვაკეთებთ რეკლამას, იმისათვის, რომ საზოგადოების ფართო წრეებმა გაიგოს თამაშის შესახებ და გავრცელდეს ინფორმაცია, ვფიქრობ, ნელნელა ეტაპობრივად დაინერგება ეს თამაში საქართველოში.
წარმატების აკადემიამ თამაში საპატრიარქოს ახალგაზრდულ ცენტ – ”დავითიანნში” ჩაატარა.
16.07.14
ნინა პირტახია
