დღეს არცთუ მარტივად ხელმისაწვდომია პროდუქტები, რომლებიც დანამატებს არ შეიცავს, შესაბამისად, არის ჯანსაღი და ჯანმრთელობისთვის სასარგებლო. ვაშლის ძმარი, რომელზეც ახლა გიამბობთ, აბსოლუტურად ნატურალურია. მას ცოლ-ქმარი ლეჩხუმური ტყის ვაშლისგან აწარმოებს. აღნიშნული პროდუქტი სამკურნალო თვისებებითაც გამოირჩევა და ენერგიის გამომუშავებაში გვეხმარება. ამის შესახებ „თბილისი თაიმსს“ მარიამ პატარიძე დეტალურად ესაუბრა.
„იდეა გაჩნდა ერთი წლის წინ, თუმცა, მისი განხორცილება წელს გახდა შესაძლებელი და უკვე რამდენიმე თვეა, ქართულ ბაზარზე ჩვენი პროდუქცია გამოჩნდა, საკმაოდ დიდი გამოხმაურება მოყვა, რაც ძალიან სასიხარულოა ჩვენთვის. ვფიქრობ, ეს განაპირობა მაღალმთიან რეგიონში საქმიანობის წამოწყებამ, პროდუქციის ხარისხმა, შეფუთვამ. ზოგადად, ნებისმიერიქართული წარმოების დაწყება ძალიან დასაფასებელია“.
დეტალურად, რას აწარმოებთ და რა წარმოადგენს პროდუქტის უპიდატესობას.
მაღალთიან რეგიონში, ლეჩხუმში ვაწარმოებთ უწამლი ტყის ვაშლისგან ძმარს, რომელიც გამოირჩევა როგორც გემოვნური, ასევე, სამკურნალო თვისებებით, ხელს უწყობს საჭმლის მონელებას, ამაღლებს სისხლის შედედების უნარს, აჯანსაღებს სისხლძარღვებს, ხელს უწყობს სისხლის წითელი ბურთულების წარმოქმნას. ძმრის ყველაზე მნიშვნელოვანი ღირსება კალიუმის მაღალი შემცველობაა, ის აუცილებელია ენერგიის გამომუშავებისათვის, ასევე, ნერვული სისტემის დასამშვიდებლად. არის ბუნებრივი ანტისეპტიკი, კლავს მიკრობებს და ხელს უშლის ლპობის პროცესს. ასევე, ხელს უწყობს წონის კლებას.
აღსანიშნავია, რომ პროდუქცია არ შეიცავს კონსერვანტებს, მხოლოდ უწამლი ვაშლის წვენიგან მზადდება ტრადიციული მეთოდით ძმრის დედოს მეშვეობით. ამიტომ, მისი გამოყენება შესაძებელია როგორც კულინარიში, ასევე, სამკურნალოდ.
იდეის შესახებ გვიამბეთ – რატომ მიიღეთ აღნიშნული გადაწყვეტილება?
ჩემს მეუღლეს, ლექსო თოთაძეს (ის არისლეჩხუმიდან და მასთან ერთად მოვხვდი პირველად აქ ) აქვს 15-წლიანი სტაჟი ლუდსახარშისაწარმოო გამოცდილიებით. მეც რამდენიმე წელი ღვინის ქარხანაში ვიმუშავე და ამ წლებმა საკმაოდ დიდი გავლენა იქონია ჩვენს სამომავლო გეგმებზე, ოცნებებზე.
ზოგადად, წარმოება იმდენად ცოცხალი და საინტერესო პროცესია, რომ შეუძლებელია, არ შეგიყვარდეს. ჩვენც ყოველთვის გვინოდა საოჯახო საქმინობის დაწყება, ამიტომ, წელს გადავდგით პირველი ნაბიჯები, მოვიპოვეთ მცირე გრანტი, რისთვისაც დიდი მადლობა მინდა, გადავუხადო ფონდ „აფხაზინტერკონტს“
ჩვენი პროდუქტით მუდმივად ვახდენთ რეგიონის პოპულარიზაციას და ჩვენი პატარა წვლილი შეგვაქვს მის განვითარებაში.
ძმრის გარდა, თუ გეგმავთ, სხვა პროდუქტიც აწარმოოთ?
დიახ, განვითარება ჩვენთვის ყველაზე მნიშვნელოვანია. სამომავლოდ დიდი გეგმები გვაქვს. სულ მალე ქართულ ბაზარზე გამოჩნდება ლეჩხუმური ნუგბარი „ არტი ფრუტი“ (ART FRUIT )ბრენდით. რომელიც გააერთიანებს ვაშლის ძმრის, ჩირისა და ხილის ჩაის წარმოებას. აგრეთვე,განავითრებს ჩვენს რეგიონში აგროტურიზმს და დაასაქმებს ადგილობრივ მოსახლეობას.
მასალა მოამზადა : მარიამ ტიელიძემ
