ამბობენ, ქართველები ნიჭიერი ერი ვართო და ეს ასეც არის. ძალიან ბევრი წარმატებული და გამორჩეული ადამიანი აჩუქა საქართველომ მსოფლიოს. დღეს ზოგიერთები საუბრობენ იმაზე, რომ ეს ნიჭი სადღაც გაქრა, დაიკარგა, თუმცა ეს ასე ნამდვილად არაა. ის პოტენციალი, რომელიც ჩვენი ქვეყნის შუაგულში დევს არასოდეს ამოიწურება, არასოდეს გამოილევა, რადგან მას ძალიან ღრმად აქვს გადგმული ფესვები ქართულ მიწაში. ჩვენ ირგვლივ, ძალიან ბევრი საინტერესო და ნიჭიერი ახალგაზრდაა, რომელთაც წარმატებას მიაღწიეს არა მხოლოდ საქართველოს არამედ მსოფლიოს მასშტაბებითაც. ასეთი ახალგაზრდები, გვყავს თითქმის ყველა სფეროში, თუმცა ჩვენ დღეს სპორტს, კონკრეტულად კი ძიუდოს შევეხებით. საქართველოს ძიუდოში ძალიან ბევრი წარმატებული სპორცმენი ყავს. „თბილისი-თაიმსი“ ახალგაზრდა, 19 წლის ძიუდოისტს – გურამ თუშიშვილს, მის სპორტულ კარიარაზე და მიღწეულ წარმატებებზე ესაუბრა. ცოტა ხნის წინ ბუქარესტში ჩატარებულ ევროპის ახალგაზრდულ ჩემპიონატზე, სწორედ მისი შეჯიბრი გახდა გადამწყვეტი და საქართველო ევროპის ჩემპიონი გახდა, თუმცა მანამდე მას არაერთხელ უსახელებია ჩვენი ქვეყანა. საინტერეესოა, რამდენად რთული გზა განვლო მან წარმატების მისაღწევად.
რამდენი წლის იყავით, როდესაც ძიუდოზე შეხვედით? რამ განაპირობა თქვენი დაინტერესება სპორტის ამ სახეობის?
როდესაც ძიუდოზე შევედი, დაახლოებით 12 წლის ვიყავი. ჩემი ამ სპორტით დაისტერესება თავდაპირველად მშობლების სურვილით მოხდა. მამაჩემიც ყოფილი მოჭიდავეა, ამიტომაც დავემორჩილე მშობლების სურვილს და შევედი ძიუდოზე, ამის შემდეგ, რა თქმა უნდა, ინტერესი მეც გამიჩნდა და აქამდე მივყვები სპორტის ამ სახეობას, ჩემი ოჯახიც დღემდე გვერდში მიდგას.
- ვინ იყო პირველი მასწავლებელი, ვისი დაფრთიანებული ხარ?
ჩემი პირველი მწვრთნელი იყო ბათო ჯიქური, რომელსაც ძალიან დიდი წვლილი მიუძღვის დღეს ჩემს წარმატებაში. თავდაპირველად სწორედ მან შემასწავლა და შემაყვარა ძიუდო. ყველამხრივ მხარში მედგა და მეხმარებოდა არსებული დაბრკოლების გადალახვაში, რაც კი გზაზე შემხვდებოდა. ამისათვის მას მინდა ძალიან დიდი მადლობა გადავუხადო. ის დღემდე ჩემი მწვრთნელია.
- რამდენი დრო დაგჭირდათ, რომ ფორმაში ჩამდგარიყავით და წარმატებისათვის მიგეღწიათ?
საშუალოდ სამი წელი დამჭირდა ძიუდოს შესასწავლად და წარმატების მისაღწევად. რა თქმა უნდა, ეს სამი წელი არ იყო იოლი, ამისათვის ძალიან ბევრი შრომა იყო საჭირო. ამ დროის განვმალობაში გავდიოდი შეჯიბრებზე, სწორედ შეჯიბრზე სწავლობს თითოეული სპორცმენი ჭიდაობას. სამი წლის შემდეგ კი, შედეგიც დავდე.
- რამდენად რთულია იყო სპორცმენი, რა სირთულეების გადალახვა მოგიწიათ ამ პერიოდის განმავლობაში?
იყო სპორცმენი ეს ძალიან ძნელია, რადგან ამის უკან იმალება ძალიან ბევრი შრომა, ძალიან ბევრი იმედგაცრუება, არა მხოლოდ სიხარარული და წარმატება. თუმცა მთავარია, რომ არასოდეს არ დავნებდეთ, ყოველი იმედგაცრუების შემდეგ უფრო მეტი ძალა მოვიკრიბოთ და უფრო მეტი შემართებით შევუდგეთ ჩვენ საქმეს. ძალიან ბევრი ფსიქოლოგიური წნეხის გადატანა გვიწევს, მაგრამ მთავარია ეს ფსიქოლოგიური წნეხი დავძლიოთ. პირადად მე, მქონია ძალიან ბევრი იმედგაცრუება და კარგად ვიცი ეს რა გრძნობა, თუმცა დღემდე ყოველი წარუმატებლობის შემდეგ ვცდილობ ფეხზე უფრო მყარად დავდგე და შედეგიც ყოველთვის სახეზეა.
- როდის მიაღწიეთ პირველად წარმატებას და საერთოდ რა შედეგები გაქვთ სპორტულ კარიერაში?
ჩემი პირველი წარამტება იყო საერთაშორისო ტურნირზე კიევში. ეს იყო ევროპის თასი და ორი ქართველი გავედით ფინალში. რაც შეეხება სხვა შედეგებს ჭაბუკებში ვარ მსოფლიო ჩემპიონი, ევროპის პრიზიორი, ახალგაზრდებში ევროპის ჩემპიონი, მრავალგზის საერთაშორისო ტურნირის ევროპისა და მსოფლიო თასის ჩემპიონი, ეროვნულ ნაკრებში საქართველოს ჩემპიონი.
- რამდენად რთულია მიაღწიო წარმატებას და რა არის თქვენი წარმატების ფორმულა?
წარმატების მიღწევა არც ისე რთულია თუ ბევრს იშრომებ, მთავარია იცოდე შრომის ფასი. ჩემი წარმატების ფორმულაც სწორედ ესაა- შრომა და მიზანდასახულობა. აუცილებელია დაისახო მიზანი და შემდეგ ყველაფერი გააკეთო ამ მიზნის მისაღწევად.
- ყველაზე დიდ სიხარულს რა განიჭებთ?
ალბათ გაგიკვირდებათ, მაგრამ ყველაზე დიდ სიხარულს სახლში დაბრუნება მანიჭებს გამარჯვების შემდეგ.
- უკვე, როგორც გამოცდილი და ტიტულოვანი სპორცმენი, რას ურჩევდით დამწყებ ძიუდოისტებს?
ისევ და ისევ განვმეორდები და სხვა სპორცმენებს ვურჩევდი, რომ იშრომონ ძალიან ბევრი. თუ მოინდომებ შეუძლებელი არაფერია. მთავარია სწორად განსაზღვრო რა გინდა და რატომ გინდა. ამიტომ დამწყებ სპორტცმენებს დაბრკოლებების არ უნდა შეეშინდეთ, დაწყებული საქმე შუა გზაში არ უნდა მიატოვონ, თავდაუზოგავად იშრომონ, ხოლო სადაც შრომაა იქ იღბალიც არის.
აპირებთ თუ არა მომავალში სამწვრთვნელო კარიერა შეიქმნათ?
ჯერ, რა თქმა უნდა, სპორტით ვარ დაკავებული, მაგრამ სპორტული კარიერის დამთავრების შემდეგაც ჯერჯერობით არ ვვარაუდობ სამწვრთნელო კარიერის გაგრძელებას. ეს რატომღაც არ ჯდება ჩემს ინტერესებში.
- რამდენად ზრუნასვ სახელმწიფო რომ, ძიუდო განვითარებას და შეეწყოს ხელი ჩვენს ქვეყანაში?
სახელმწიფო მაქსიმალურად ცდილობს, რომ ძიუდოისტებს მხარი დაუჭიროს და წარმატების მიღწევაში დაეხმაროს. სპორტის სამინისტრო გვერდში გვიდგას, როგორც მატერიალურად ასევე მორალურად. ჩვენც, სპორტსმენები ამ ყველაფერს კარგად ვხედავთ და ვცდილობთ, რომ წინსვლაში დავეხმაროთ სპორტის სამინისტროსა და ქვეყნას.
- ბოლო ევროპის ჩემპიონატზე თქვენი შეჯიბრი იყო გადამწყვეტი და საქართველოს ნაკრები ევროპის ჩემპიონი გახდა, რამდენად დიდი პასუხსისმგებლობა იყო ეს და რა იგრძენით გამარჯვების შემდეგ?
დიახ, ეს ნამდვილად საპასუხისმგებლო იყო, თუმცა როდესაც სპორტსმენი ხარ და ამავდროულად მაღალი დონის მოჭიდავე, იქ მეტ-ნაკლებად ფიქრობ შიშზე. პირიქით სასიამოვნოა, როდესაც გადამწყვეტი როლი გეკისრება, თან არამარტო პირად შეჯიბრებაში, არამდე გუნდურში, როდესაც შენი ქვეყნის საქმე წყდება. გამარჯვების შემდეგ, კი დიდი სიხარული ვიგრძენი, რადგან რაღაც გადავწყვიტე.
- როგორია შენი სამომავლო გეგმები?
ჩემი სამომავლო გეგმებია რიო დე ჟანეიროს ოლიმპიადა და ვაგრძელებ თავდაუზოგავად მზადებას, იმედია შედეგიც იქნება. უახლოეს მომავალში ამერიკაში მივდივარ მსოფლიო ჩემპიონატზე ახალგაზრდებში, ვიმედოვნებ ყველაფერი კარგად დასრულდება.
29.09.14
ანო მუქათარიძე
