“ყაზტრანსგაზში” ყაზახური მენეჯმენტის დაბრუნება ტარიფების გაზრდას არ გამოიწვევს, – ამის შესახებ ჟურნალისტებს საქართველოს ენერგეტიკის მინისტრმა, ვიცე-პრემიერმა კახა კალაძემ განაცხადა. მისი თქმით, ტარიფების ზრდასთან დაკავშირებით გავრცელდა ჭორები, რომლებიც სიმართლეს არ შეესაბამება.
რაც შეეხება მხარეებს შორის არსებულ ვალებს, კალაძის განმარტებით, კომპანიას ჰქონდა ფინანსთა სამინისტროს ვალი, ხოლო ქვეყანას ყაზახეთის და მოხდება ამ ვალების გაქვითვა.
მისივე თქმით, “ყაზტრანსგაზს” ასევე აქვს “საქართველოს ბანკის” ვალი 10 მილიონი ლარის ოდენობით და მოხდა ამ ვალის რესტრუქტურიზაცია და დროში გადანაწილება.
კალაძის ინფორმაციით, “ყაზტრანსგაზში” ყაზახური მენეჯმენტი უახლოეს მომავალში დაბრუნდება.
17.11.14
