3 წლის თაიამ ოჯახის წევრები მოინახულა და ამ ეტაპზე ბავშვი აბსოლუტურად მშვიდად არის. ამის შესახებ გაცემაში „იმედი LIVE“ ინგოროყვას კლინიკის გადაუდებელი დეპარტამენტის ხელმძღვანელმა, ექიმმა ანი დალაქიშვილმა განაცხადა.
მისი თქმით, გოგონას მდგომარეობა არის დამაკმაყოფილებელი და მკურნალობას პედიატრიულ განყოფილებაში განაგრძობს.
„ამ ეტაპზე ინგოროყვას კლინიკაში რჩება 2 ბავშვი. 11 წლის ბიჭი და 3 წლის გოგონა. ამ ეტაპზე ბიჭის მდგომარეობა აბსოლუტურად დამაკმაყოფილებელია. 19:00 საათზე განმეორებით გაუკეთდა თავის ტვინის კომპიუტერული ტომოგრაფია, სადაც არის დადებითი დინამიკა. ამიტომ მისი მდგომარეობა აბსოლუტურად დამაკმაყოფილებელია.
ასევე 3 წლის გოგონას მდგომარეობა არის დამაკმაყოფილებელი. მკურნალობას განაგრძობს პედიატრიულ განყოფილებაში. ბავშვების სიცოცხლეს საფრთხე არ ემუქრება“, – აღნიშნა დალაქიშვილმა.
მისივე განმარტებით, ჩართულია ყველა სპეციალისტი და ბავშვების მკურნალობის შემდგომი ტაქტიკა ხვალ დილისთვის გადაწყდება.
რაც შეეხება 11 წლის ბიჭის დედას, ექიმის ინფორმაციით, მას აღენიშნებოდა თავის ტრავმა, თუმცა სტაბილური მდგომარეობით კლინიკიდან უკვე გაეწერა.
აფეთქება ფონიჭალაში, ერთ-ერთ კორპუსში დილით მოხდა.
როგორც შშმ პირი ჰყვება, გუშინ ღამით ცდილობდა ბუნებრივი აირის ჩართვას, თუმცა ვერ შეძლო და სავარაუდოდ, მილი ღია დატოვა.












