„დაახლოებით 15–20% ავადდება სეზონური გრიპით, განსაკუთრებით ზომიერი კლიმატის ქვეყნებში.სამკურნალო დაწესებულებებში მომართვიანობა მკვეთრად გაზრდილია, დაახლოებით 30–40 %–ით. ამიტომ პირველი ორი დღის განმავლობაში ჯობს ვირუსს სახლის პირობებში დავაკვირდეთ, თუნდაც ექიმთან სატელეფონო კონსულტაციებით“. სეზონური გრიპის გავრცელების , მისი გამომწვევი მიზეზების და პრევენციული ზომების შესახებ ექიმმა პედიატრმა თემურ მიქელაძემ ტელეკომპანია „იმედზე“, გადაცემა „დღის შოუს“ ეთერში ისაუბრა.
„შარშან ძირითადად გავრცელებული იყო ღორის გრიპი, H1N1, წელს გვაქვს H3N2, ანუ სეზონური გრიპი. შარშან გავრცელებულ ვირუსის ტიპს უფრო მკვეთრად გამოხატული სიმპტომები ახასიათებდა, წელსაც არის იგივე სიმპტომები, მხოლოდ ხანმოკე დროით. თუ შარშანდელი გრიპის ვირუსი გრძელდებოდა 7 დღე, წელს, დაახლოებით 3–4 დღე გრძელდება. გრიპის პირველი ნიშნები არის მაღალი ცხელება შემცივნებით. ცხელება უნდა იყოს 38,5–ზე ზემოთ. როგორც წესი სეზონურ გრიპს შებრუნება არ ახასიათებს. სრული გამოჯანმრთელება 12 დღეში ხდება. ხველა შესაძლოა 3 კვირის განმავლობაში გაგრძელდეს. თუ პაციენტი იტანს ტემპერატურას, არ უნდა დალიოს სიცხის დამწევი საშუალება, ტემპერატურა ორგანიზმის დამცავი რეაქციაა. ჩვენ ვებრძვით დაავადებას და არა სიცხეს.
გრიპის ერთადერთი პრევენცია არის ვაქცინაცია და ეს უნდა გაკეთდეს გრიპის ეპიდემიამდე. მაღალი ტემპერატურის შემთხვევაში 2–3 დღე გაჩერდით სახლში, ავადმყოფმა უნდა გაიკეთოს პირბადე, რაც შეიძლება ხშირად დაიბანოს ხელები, მნიშვნელოვანია ხშირად განიავება, ორპირის გაკეთება,“–განაცხადა თემურ მიქელაძემ.
მანანა ღოღობერიძე
