საქართველოს პრეზიდენტმა სამების საკათედრო ტაძარში ბაბუშერას ტრაგედიისას დაღუპულთა ხსოვნას პატივი მიაგო.
როგორც პრეზიდენტმა განაცხადა, დღეს საზოგადოება კიდევ ერთხელ პატივს მიაგებს იმ ხალხს, ვინც ქვეყნის მთლიანობას და სიძლიერეს საკუთარი სიცოცხლე შესწირა.
„ყველას გვახსოვს, რომ იყო ბევრი გმირობა. დარჩა დიდი ტკივილი, მაგრამ მე მიხარია, რომ ჩვენ ვდგამთ ნაბიჯებს ამ ჭრილობის მოსაშუშებლად. მინდა მადლობა ვუთხრა ყველა იმ ადამიანს, ვინც მონაწილეობდა ამ ადამიანების გადმოსვენებაში და ვინც მონაწილეობს ჩვენი საერთო ტრაგედიის ჭრილობების მოშუშებაში“, – განაცხადა გიორგი მარგველაშვილმა.
09.12.14
