საქართველოს პრემიერ-მინისტრ ირაკლი ღარიბაშვილის ინიციატივით, რეგიონების სტრატეგიული და ეკონომიკური განვითარების ახალი პროგრამა იწყება.
16 მარტს საქართველოს პრემიერ-მინისტრი ირაკლი ღარიბაშვილი სამცხე-ჯავახეთში ბიზნესმენებს შეხვდა. ამ შეხვედრის უმთავრესი მესიჯი: ძლიერი რეგიონი ძლიერი-ძლიერი საქართველო, ერთის მხრივ გვაჩვენებს ხელისუფლების ხედვას-ქვეყნის ეკონომიკური განვითარების სტრატეგიის შესახებ, ხოლო მეორეს მხრივ ეს ნიშავს რომ უახლოეს მომავალში, შესაძლებელია გადაიდგას ნაბიჯები რეგიონალური თვითმართველობის რეალური გაძლიერებისკენ.
პროგრამის დაწყებამდე ეკონომიკურმა საბჭოს მიერ შესწავლილი იქნა, საქართველოს ყველა რეგიონის ეკონომიკური პოტენციალი, ადამიანური, მატერიალური და ბუნებრივი რესურსი, რის შედეგადაც მიღებულ იქნა დეტალური სურათი-თითოეული რეგიონის ეკონომიკურ განვითარებისთვის.
პროგრამის განხორციელების საწყის ეტაპზე მთავრობის მეთაური სამცხე-ჯავახეთს ეწვია, ვიზიტის ფარგლებში მოხდა შეხვედრა ბიზნესმენებთან.
ირაკლი ღაიბაშვილიმა შეხვედრაზე რეგიონის საწარმოო პოტენციალზე ისაუბრა.
მან გამოყო სამი ძირითადი მიმამრთულება, რომლებიც-შესწავლის შედეგად მიჩნეულ იქნა პრიორიტეტულად სამცხე-ჯავახეთის ეკონომიკური განვითარებისთვის, ეს მიმართულებია: სოფლის მეურნეობა, მეწარმეობა და ტურიზმი, რომლის განვითარებაც ფეხზე დააყენებს რეგიონს.
პრემიერმა გამოსვლაში განსაკუთრებით გაუსვა ხაზი რეგიონში მცირე და საშუალო ბიზნესის ხელშეწყობას: ხე-ტყის დამუშავების, ავეჯის წარმოების და ბუნებრივი რესურსების ათვისების მიმართულებით.
„მაგალითისთვის, შეგვიძლია შემოგთავაზოთ ახალციხის მაუდ-კამვოლის საწარმო, ახალდაბის საავეჯო ფაბრიკა, ნინოწმინდის სამკერვალო ფაბრიკა და კიდევ მრავალი სხვა, რომელთა აღდგენა და ამუშავება, რეგიონის გამოცოცხლებას შეუწყობს ხელს და ბიზნესისთვისაც მომგებიანი იქნება. მე პირადად ვთავაზობ მხარდაჭერას ყველა ინვესტორს, ვინც ამ საწარმოებით დაინტერესდება”, – განაცხადა პრემიერ-მინისტრმა.
მთავრობის მეთაურმა ყურადღება გაამახვილა ტურიზმის განვითარებისთვის მნიშვნელოვანი ფაქტორებზე, მათ შორის რეგიონის უნიკალურ ისტორიულ-კულტურულ მემკვიდრეობასა და გამორჩეულ გეოგრაფიულ ლანდშაფტზე.
ირაკლი ღარიბაშვილის თქმით სახლემწიფო იძლევა სრული მხარდაჭერის გარანტიას.
„კიდევ ერთხელ მოგიწოდებთ, ჩაებათ მთავრობის მიერ შემოთავაზებულ ამ ახალ პროექტში, შეიტანოთ წვლილი რეგიონის გაძლიერებაში, რაც არის ჩვენი სახელმწიფოს გაძლიერების წინაპირობა.
მე მჯერა თქვენი პატრიოტიზმის, თქვენი შესაძლებლობების და მჯერა, გექნებათ უამრავი ინიციატივა, რომელსაც განახორციელებთ რეგიონებში. ჩვენ მაქსიმალურად გვერდით დაგიდგებით, იქნება ეს ქონების სიმბოლურ ფასად გადაცემა, გზა, წყალი, განათება თუ ნებისმიერი ინფრასტრუქტურა.
გექნებათ მაქსიმალური ხელშეწყობა, თანადაფინანსება სახელმწიფოს მხრიდან, როგორც ცენტრალურ, ისე ადგილობრივ დონეზე. ჩვენ გვაქვს უნიკალური შანსი, დავიწყოთ რეალური ცვლილებები რეგიონებში. თუ ჩვენ არ განვავითარეთ რეგიონები, მხოლოდ ქალაქების განვითარება რეალურ შედეგებს არ მოიტანს”, – მიმართა პრემიერმა ბიზნესმენებს.
მალხაზ ხაზარბეგიშვილი
