ბრიუსელში დღეს საბერძნეთის კრიზისთან დაკავშირებით ევროპელი ლიდერები საგანგებო შეხვედრას გამართავენ. BBC-ის ცნობით, ათენს 24 საათი აქვს იმისათვის, რომ საერთაშორისო კრედიტორებთან შეთანხმებას მიაღწიოს. წინააღმდეგ შემთხვევაში იგი თვის ბოლოს ფულის გარეშე დარჩება, რასაც დეფოლტი და შესაძლოა, საბერძნეთის ევროზონიდან გასვლა მოჰყვეს.
ევროკომისია, საერთაშორისო სავალუტო ფონდი და ევროპის ცენტრალური ბანკი ათენისგან გარკვეული რეფორმების, კერძოდ, საპენსიო და საბიუჯეტო ცვლილებების გატარებას ითხოვენ, რასაც საბერძნეთის მთავრობა არ თანხმდება.
ათენის მხარდამჭერი აქციები გუშინ ბრიუსელსა და ამსტერდამში გაიმართა.
