რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდისა და საავტომობილო გზების დეპარტამენტის ორგანიზებით, ფშაველი–აბანო–ომალოს გზის განსაკუთრებით სახიფათო მონაკვეთებზე, უსაფრთხოების უზრუნველყოფის მიზნით, საგზაო სამუშაოები გრძელდება. მიმდინარეობს რკინა-ბეტონის საყდრების ამოყვანა, კიუვეტების, გაბიონების და ბეტონის კონსტრუქციების მოწყობა და გზის გაფართოების სამუშაოები.
საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ ილია დარჩიაშვილმა და საავტომობილო გზების დეპარტამენტის თავმჯდომარის პირველმა მოადგილემ ნუგზარ გასვიანმა მოინახულეს.
კახეთის რეგიონში, 21 აგვისტოს ღამეს მოსულმა უხვმა ნალექმა, ფშაველი–აბანო–ომალოს საავტომობილო გზაზე ჩამოიტანა კლდისა და მიწის ნაშალი, გარდა ამისა, ადიდებულმა მდინარე ალაზანმა გზის რამდენიმე მონაკვეთს მთლიანად გამოაცალა საფუძველი და მოწყვიტა სავალ ნაწილს, რამაც გზის პარალიზება გამოიწვია.
საავტომობილო გზების დეპარტამენტის ინტენსიური მუშაობის შედეგად, გზა გაიწმინდა ჩამოტანილი კლდის ნაშალისაგან, სტიქიისაგან მოწყვეტილ მონაკვეთებზე გაიჭრა ახალი გზა, რიგ მონაკვეთებზე ჩატარდა გზის აღდგენის სამუშაოები. ამ ეტაპზე, მაღალი გამავლობის მქონე ავტომობილებისათვის გზა გახსნილია.
