როგორ ცნობილი გახდა საქართველოს კონკურენციის სააგენტომ ხუთი ნავთობკომპანია ფასების ხელოვნურად გაზრდის გამო ჯამში – 51.6 მლნ ლარით დააჯარიმა. დაჯარიმებული კომპანიების ჩამონათვალი კი ასე გამოიყურება:
სოკარი 14.4 მილიონი
გალფი 11.2 მილიონი
რომპეტროლი 10.9 მილიონი
ვისოლი 10.4 მილიონი
ლუკოილი 4.7 მილიონი.
სააგენტოს ხელმძღვანელის გიორგი ბარაბაძის განცახდებით: “2008-2014 წლებში კომპანიები არღვევდნენ “კონკურენციის დაცვის პრინციპებს. კერძოდ, მოქმედებდა ხელოვნური ბარიერები იმპორტში, იზღუდებოდა წარმოება და მოქმედებდა შეთანხმებული ფასი”.
The Tbilisi Times დაჯარიმებულ კომპანიებს დაუკავშირდა და აღნიშნულ გადაწყვეტილებაზე მათი პოზიციები და არგუმენტები მოისმინა.
კომპანიების “სოკარის” და “გალფის” განცხადებით,კონკურენციის სააგენტოს მიერ დაკისრებულ მრავალმილიონიან ჯარიმებს სასამართლოში გაასაჩივრებენ.
საწვავის შეთანხმებულ ფასებზე ბრალდებებს უარყოფს კომპანია “ვისოლიც”, რომელიც ყველა შესაძლო სამართლებრივი საშუალების გამოყენებას აპირებს დაკისრებული ჯარიმის წინააღმდეგ.
როგორც კომპანია “რომპეტროლში” აცხადებენ, აღნიშნულ ფაქტთან დაკავშირებით მიმდინარეობს მსჯელობა.
რაც შეეხება კომპანია “ლუკოილს”, “მოუცლელობის” მიზეზით მათგან პასუხები ვერ მივიღე.
მასალა მოამზადა
სალომე აფხაზაშვილი
