13 ოქტომბერს, ქ. თბილისში გაიმართება „რეგიონული დიასპორული ეკონომიკური ფორუმი“. ფორუმი ტარდება დიასპორის საკითხებში საქართველოს სახელმწიფო მინისტრის აპარატის, როგორც „საერთაშორისო დიასპორის ჩართულობის ალიანსის” (IdEA) რეგიონული პარტნიორის მიერ, “გლობალური დიასპორული კვირეული 2015–ს” ფარგლებში. ფორუმი მიზნად ისახავს, პარტნიორი ორგანიზაციების მიერ, ახალი დიასპორული ინტელექტლუალური და ფინანსური სერვისების პროგრამების პრეზენტაციას. ასევე, დიასპორული საინვესტიტიო პროექტების გაზიარებას უცხოეთში არსებული დისპორული ბიზნეს საბჭოებისა და სამრეწველო პალატების მიერ, ინოვაციური დიასპორული საინვესტიციო მექანიზმების განვითარების გაძლიერებას რეგიონში, დიასპორის აქტიურ მონაწილეობას სამშობლოში მიმდინარე პროცესებში, ადამიანთა გაერთიანებას საერთო მიზნებისა და საჭიროებების ირგვლივ. ფორუმის მონაწილეები იმსჯელებენ რეგიონის ეკონომიკური რეკონსტრუქციისა და საბაზრო რეფორმების მნიშვნელოვან გამოწვევებზე, დიასპორის მნიშვნელოვანი რესურსების მობილიზებაზე, დიასპორის პროფესიული პოტენციალის სამშობლოს საკეთილდღეოდ გამოსაყენებლად, რაც ხელს შეუწყობს სამშობლოში ბიზნესისა და კერძო სექტორის განვითარებას. ფორუმზე გაიმართება პანელური დისკუსიები ეფექტური, მდგრადი სტრატეგიის ფორმულირებისათვის, დიასპორის ინიციატივების გამოსავლენად, კონკრეტული მიზნებისა და რეალური შედეგების მისაღწევად. უშალოდ, უცხოეთში მცხოვრებ თანამემამულეებს გთხოვთ, შეავსოთ მითითებული სარეგისტრაციო ფორმა ფორუმში მონაწილეობის მისაღებად.
