საქართველოში მოქმედ სასტუმროებში ელექტრონული დაჯავნის ახალი სისტემა ამოქმედდება. ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მხარდაჭერით და ორგანიზაცია “პროსერვისის” ორგანიზებით სასტუმროების მართვისა და ონლაინ დაჯავშნის სისტემების პრეზენტაცია „თიბისი ბანკის” სათაო ოფისში გაიმართა.
ახალი პროექტის მიზანია საქართველოში მცირე და საშუალო ტურისტული ბიზნესის ხელშეწყობა. ელექტრონული სერვისი მოგზაურებს საშუალებას მისცემთ ონლაინ რეჟიმში შეამოწმონ სასურველ სასტუმროში თავისუფალი ნომრები, ასევე შეეძლებათ ონლაინ დაჯავშნა პლასტიკური ბარათით და გადახდა როგორც პირდაპირი გადახდის, ასევე ადგილზე, მოგვიანებითი გადახდის პირობით. ეს სერვისი სასტუმროს პაკეტებს ხელმისაწვდომს გახდის უფორ მეტი ტურისტისთვის და გაზრდის შემოსავლებს.
პრეზენტაციას საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი, ტურიზმის ეროვნული ადმინისტრაციის ხელმძღვანელი გიორგი ჩოგოვაძე,” თიბისი ბანკის” გენერალური დირექტორი ვახტანგ ბუცხრიკიძე და საქართველოში მოქმედი სასტუმროების წარმომადგენლები დაესწრნენ.
მარიამ ტაკაშვილი
