ეგვიპტის სამხედრო ხუნტა აგრძელებს ზეწოლას მოჰამედ მურსის მხარდამჭერ მუსლიმან ძმებზე.
ჯერ იყო და მრავალი მათი მაღალჩინოსანი და აქტივისტი დააპატიმრეს, შემდეგ დღის წესრიგში დააყენეს ამ მოძრაობის დახურვის საკითხი, ხოლო ახლა კი მათთვის მძიმე განაჩენები გამოაქვთ.
ასე მაგალითად, ეგვიპტის სამხედრო ტრიბუნალმა სამუდამო პატიმრობის განაჩენი გამოუტანა მუსლიმანი ძმების 11 მაღალჩინოსანს, ხოლო 45 წევრს კი 5 წლის პატიმრობა მიუსაჯეს.
ამავე ტრიბუნალმა აკრძალა ქვეყანაში 4 ტელეარხის, მათ შორის არაბული ელ ჯაზირას მუშაობა.
ამის საპასუხოდ მურსის მხარდამჭერებმა მილიონიანი დემონსტრაციის გამართვის პირობა დადეს, რომელთა მთავარი სლოგანი იქნება “სამხედრო გადატრიალება ტერორია“.
05.09.13
