ყველას კარგად ახსოვს ცნობილი დუეტის, ცოლ-ქმარი მაყვალა და არჩილ ჩიხლაძეების მიერ შესრულებული სიმღერების განუმეორებელი ჟღერადობა. დუეტი აღარ არსებობს, საზოგადოებისთვის კი მხოლოდ ის არის ცნობილი, რომ მეუღლეები დიდი ხნის წინ დაშორდნენ ერთმანეთს. გამოცემა artinfo-ს ცნობით, ისტორიკოსმა ვლას ვაწაძემ იერუსალიმის ქუჩაზე, გადაღების დროს, შემთხვევით აღმოაჩინა 82 წლის მოხუცი, რომელიც ავარიულ სახლში, ყველასგან მიტოვებული, უშუქოდ, უგაზოდ და ყოველგვარი პირობების გარეშე ცხოვრობს. ის ყველა თაობის მსმენელისთვის კარგად ცნობილი სიმღერების, „კართან მოდგა შემოდგომა”, „სიყვარულის დილა”, „სიჭაბუკე”, „წლები გარბიან” შემსრულებელი, დუეტის ერთ-ერთი წევრი არჩილ ჩიხლაძე აღმოჩნდა. მისი თვიური შემოსავალი 160 ლარიანი პენსიაა, რომელსაც ასევე გასაჭირში ჩავარდნილ ყოფილ მეუღლეს _ მაყვალა ჩიხლაძეს აძლევს, რათა მან ლუკმა-პურისთვის ყოველდღე გამოუზოგოს. მისი თქმით, კათარზისში სიარულის ერიდება, სიმღერა ძველებურად შეუძლია, თუმცა აღარავის აინტერესებს.
წყარო: postalioni.com
ნატალია ჯალაღონია
