მსოფლიო საბრძოლო ხელოვნებათა თამაშების გამო საქართველოს კარატეს ეროვნული ფედერაცია პრესკონფერენციას გამართავს ბათუმის ახალგაზრდულ ცენტრში, რომელსაც დაესწრებიან უკვე ჩამოსული სტუმრები და სპორტსმენები.
საქართველოს კარატეს ეროვნული ფედერაცია წლევანდელი მსოფლიო თამაშების შემდეგ დიდ წარმატებას ელის.
პრესკონფერენცია გაიმართება 15:00 საათზე.
ქართულ კარატეს ყატარის პრინცესა გულშემატკივრობს
საქართველოს კარატეს ეროვნული ფედერაცია მსოფლიოში ამჯერადაც ლიდერია, როგორც სპორტული შედეგებით ისე საშეჯიბრო-საორგანიზაციო საკითხებში. წელს საქართველოში მსოფლიო საბრძოლო ხელოვნებათა ზეიმი გაიმართბა! მსოფლიოს უმაღლესი დონის მებრძოლებს ამჯერად ბათუმი უმასპინძლებს 19-22 მაისს.
“ქართულ კარატეს ყატარის პრინცესა გულშემატკივრობს და სწორედ ამ მიზნით ჩამოდის პრინცესა შეიხა ბინთ ჰამად ალთჰანი. ყატარის პრინცესა ხვალ, 21 მაისს ცამოფრინდება სტამბული-თბილისის რეისით დილის 04:50 საათზე და აეროპორტშივე გაიმართება სპეციალური პრესკონფერენცია. უნდა აღინიშნოს, რომ ყატარის პრინცესას ჩამობრზანება საქართველოში, ეს მსოფლიო მოვლენაა და ამ ამბის გასაშუქებლად ტელეკომპანია “ალჯაზირაც” ეწვევა ბათუმს, რაც, მინიმუმ, გააათმაგებს ჩვენი ქვეყნის პოპულარობას მსოფლიოში.
ფესტივალის ფარგლებში ასევე ჩატარდება თეორიულ-პტაქტიკული სემინარები, რომლებსაც წარუძღვებიან მსოფლიო კლასის ოსტატები. აღნიშნულ სემინარებს უხელმძღვანებელს იაპონელი დიდებული ოსტატი სადახიტო კატო, ორჰა ოზაკი ურქეთიდან, გაბი მიხაეილი ისრაელიდან, ეგვიპტელი ალი ნაშრალახი, ტომას გუჯა პოლონეთის წარმომადგენელი და მასუდ ჯაფარი, რომელიც ყველასთვის ცნობილია არაერთი მხატვრული ფილმიდან.
საერთო ჯამში ფესტივალში 30 ქვეყნის 2000-ზე მეტი მებრძოლი მიიღებს მონაწილეობას. ასაკი 5 წლიდან 80 წლის ჩათვლითაა განსაზღვრული, რაც მეტისმეტად საინტერესო და აზარტულია სანახაობრივად.
ღონისძიებას საქართველოს სამთავრობო პირების უმეტესობა დაესწრება და ერთად ვიზეიმებთ საბრძოლო თამაშების მსოფლიო ფესტივალს. საინტერეს ფაქტია, რომ ჩვენი ქვეყნის ტურისტული საქმიანობისათვის საქართველოს ტურიზმის ეროვნული ადმინისტრაციაც ჩაერთო, რომელიც შემდეგ სპორტულ ღონისძიებებსაც დაგეგმავს ჩვენ ფედერაციასთან ერთად არაერთ საინტერესო ღონისძიებას.
უკვე ჩამოვიდა ისრაელის, იტალიის, საფრანგეთის, თურქეთის, სომხეთის, აზერბაიჯანის, იაპონიის წარმომადგენლობები.
აქვე განვმარტავ, რომ საორგანიზაციო-ტექნიკურ კომიტეტში საბრძოლო ხელოვნებათა მსოფლიოს ყველა ცნობილი ორგანიზატორი და ოსტატია ჩართული,” – განაცხადა ამ უზარმაზარი ფესტივალის მთავარმა ორგანიზატორმა და მასპინძელმა, საქართველოს კარატეს ეროვნული ფედერაციის პრეზიდენტმა, კახა ბასილიამ.
ნუგზარ ჭიაბერაშვილი, საქართველოს კარატეს ეროვნული ფედერაციის პრესმდივანი