“როდის ექნებათ ქართველებს ამ ნიჭების ქართველთა შორის თანხმობისა და საქართველოს კეთილდღეობისთვის ბრძოლაში დახარჯვის უნარი,” – ამის შესახებ, სოციალურ ქსელში პოლიტოლოგი, ვაჟა ბერიძე წერს.
“უცნაური ერი ვართ
მსოფლიოს ისტორიაში უდიდეს იმპერიას – საბჭოთა კავშირს განაჩენი გორბაჩოვმა, იაკოვლევმა და ქართველმა შევარდნაძემ გამოუტანეს. მათვე დაანგრიეს „ბერლინის კედელი“ და მიუხედავად იმისა, რომ შეერთებული შტატების ძალისხმევა იყო ამ პროცესში მთავარი, ძნელია მათი პერსონალური როლი გადაჭარბებით შეაფასო. ეს იმპერია რომ ქართველმა სტალინმა შექმნა და მისი უსაფრთხოების გარანტია – ატომური ბომბიც ქართველმა ბერიამ მოიპოვა, ესეც ფაქტია. ყოფილი პრეზიდენტი სააკაშვილი უკრაინაში რუსეთ-დასავლეთის გლობალური დაპირისპირების პროცესში დასავლეთის მთავარი ემისარია, ხოლო ,,ისლამური სახელმწიფოს“ სათავეში ერთ-ერთი მთავარი კაცი რომ პანკისელი ბათირაშვილია, ესეც. არა კმარა?
როდის ექნებათ ქართველებს ამ ნიჭების ქართველთა შორის თანხმობისა და საქართველოს კეთილდღეობისთვის ბრძოლაში დახარჯვის უნარი.” – წერს ვაჟა ბერიძე.
